സംയുക്തയുടെ വിരൂപാക്ഷ മലയാളത്തിലേക്ക്; തെലുങ്കില്‍ തരംഗം തുടരുന്നു
എന്റര്‍ടെയിന്‍മെന്റ് ഡെസ്‌ക്
Friday, 28th April 2023, 6:12 pm
സായ് ധരം തേജ്, സംയുക്ത എന്നിവര്‍ പ്രധാന കഥാപാത്രങ്ങളായെത്തിയ തെലുങ്ക് ഹിറ്റ് ചിത്രം ‘വിരൂപാക്ഷ’ മലയാളത്തില്‍ റിലീസിനൊരുങ്ങുന്നു. E4 സിനിമാസാണ് ചിത്രം മലയാളത്തിലേക്ക് എത്തിക്കുന്നത്. എസ്.വി.സി.സിയുടെ ബാനറില്‍ ബി.വി.എസ്.എന്‍ പ്രസാദിനൊപ്പം സുകുമാര്‍ റൈറ്റിങ്‌സിന്റെ ബാനറില്‍ സുകുമാറും ചേര്‍ന്നാണ് ചിത്രം നിര്‍മിക്കുന്നത്.
കാര്‍ത്തിക് വര്‍മ്മ ദണ്ഡു സംവിധാനം ചെയ്യുന്ന ചിത്രത്തില്‍ കാന്താര, വിക്രാന്ത് റോണ എന്നീ ചിത്രങ്ങളിലൂടെ പ്രശസ്തനായ അജനീഷ് ലോക്‌നാഥ് സംഗീതം കൈകാര്യം ചെയ്യുന്നു. എഡിറ്റര്‍ – നവീന്‍ നൂലി, ക്യാമറ – ഷാംദത്. ചിത്രത്തിന്റെ റിലീസ് തീയതി മുതല്‍ വാണിജ്യപരമായി പുതിയ റെക്കോഡുകള്‍ തീര്‍ത്തുകൊണ്ട് ചിത്രം മുന്നേറുകയാണ്.
