എഡ്ജ്ബാണ്‍: ട്വിറ്ററില്‍ സെവാഗിന്റെ ട്രോളാക്രമം നേരിടാത്ത കായിക താരങ്ങളായി ആരും തന്നെ ഉണ്ടാവുകയില്ല. ഇതിഹാസ താരം സച്ചിന്‍ ടെന്‍ഡുല്‍ക്കര്‍ മുതല്‍ ഓസീസിന്റെയും പാകിസ്താന്റെ താരങ്ങള്‍ വരെ സെവാഗിന്റെ “ആക്രമണത്തിന്” ഇരയായവരാണ്. എന്നാല്‍ താരം ഗാംഗുലിക്കും ഷെയ്ന്‍ വോണിനും നല്‍കിയ പണി കുറച്ച് കൂടി പോയോ എന്നാണ് സംശയം.
Also read ബീഫ് നിരോധനം തെറ്റ്; പശുവിനെ ഗോമാതാവായി കാണേണ്ടതില്ല; ബ്രാഹ്മണസമുദായത്തില്‍ വരെ ബീഫ് കഴിക്കുന്നവരുണ്ട്: ബി.ജെ.പി വക്താവ്; വിവാദമായതോടെ പ്രസ്താവന പിന്‍വലിച്ചു
ചാമ്പ്യന്സ് ട്രോഫി മത്സരത്തിന്റെ ഭാഗമായി താരങ്ങളെല്ലാം ഇപ്പോള് ലണ്ടനിലാണുള്ളത്. കഴിഞ്ഞ ദിവസം നടന്ന ഇന്ത്യാ-പാക് മത്സരത്തിനിടെ താനെടുത്ത ചിത്രങ്ങളുമായാണ് സെവാഗ് മുന് ലോക താരങ്ങള്ക്ക് പണി നല്കിയത്. മുന് ഇന്ത്യന്‍ നായകന് സൗരവ് ഗാംഗുലിയും ഓസീസ് ഇതിഹാസം വോണും ഉറങ്ങുന്ന ചിത്രമാണ് സെവാഗ് ട്വിറ്ററില്‍ പോസ്റ്റ് ചെയ്തത്.
“ഒരാളുടെ സ്വപ്നങ്ങളാണ് അയാളുടെ ഭാവിയെ നിര്‍ണയിക്കുന്നത്. ഈ രണ്ടാളുകളും ഒട്ടും സമയം കളയാതെ തങ്ങളുടെ സ്വപ്നം പിന്തുടരുകയാണ്” എന്ന കുറിപ്പോടെയാണ് സെവാഗ് ഇരുവരും വിശ്രമിക്കുന്ന ചിത്രങ്ങള്‍ പോസ്റ്റ് ചെയ്തത്.
Dont miss അധികാരത്തിലെത്തിയിട്ട് 1100 ദിവസം; മോദിയുടെ ചിത്രം പതിച്ച പരസ്യങ്ങള്‍ക്ക് മാത്രം ചെലവിട്ടത് 1100 കോടി
മത്സരത്തിന്റെ കമന്ററിക്കിടെ ഗാംഗുലിയും വോണും വിശ്രമിക്കാന് പോയപ്പോഴാണ് സെവാഗ് അവരറിയാതെ ഫോട്ടോ പകര്ത്തിയത്. ഷെയ്ന്‍ വോണ് സോഫയിലും ഗാംഗുലി തറയിലും കിടന്നുറങ്ങുന്ന ചിത്രങ്ങളാണ് സെവാഗ് പകര്ത്തിയത്. ചിത്രം ട്വിറ്ററില്‍ വൈറലായി മാറിയിരിക്കുകയാണ്.