ഇന്ത്യന്‍ ക്രിക്കറ്റ് ടീം ചരിത്രത്തില്‍ ഒരിക്കലും മറക്കാനാകാത്ത ലോകകപ്പാണ് 2007ലേത്. രാഹുല്‍ ദ്രാവിഡിന്റെ നേതൃത്വത്തിലായിരുന്നു ഈ ലോകകപ്പിന് ടീം ഇന്ത്യ ഇറങ്ങിയിരുന്നത്.
സച്ചിന്‍ ടെണ്ടുല്‍ക്കര്‍, സൗരവ് ഗാംഗുലി, വീരേന്ദര്‍ സെവാഗ്, യുവരാജ് സിങ്, എം.എസ്. ധോണി, അനില്‍ കുംബ്ലെ എന്നിവരുടെ വലിയ താരനിര ഈ ടീമിലുണ്ടായിരുന്നു. എന്നാല്‍ വെസ്റ്റ് ഇന്‍ഡീസില്‍ നടന്ന ഈ ലോകകപ്പില്‍ ആദ്യ റൗണ്ടില്‍ തന്നെ പുറത്തായിരുന്നു ഇന്ത്യയുടെ വിധി.
2007 എഡിഷനിലെ ഇന്ത്യന്‍ ടീം അക്കാലത്ത് ലോകത്തിലെ തന്നെ ഏറ്റവും മികച്ച ടീമായിരുന്നുവെന്ന് പറയുകയാണിപ്പോള്‍ മുന്‍ ഇന്ത്യന്‍ ഓപ്പണര്‍ വീരേന്ദര്‍ സെവാഗ്.
Virender Sehwag said 2007 World Cup team was the best team.#Cricket #CricketNews #WorldCup #ICC #BCCI #TeamIndia #VirenderSehwag #WorldCup pic.twitter.com/oIYiEFwuSf
— CricInformer (@CricInformer) June 3, 2023
ഗൗരവ് കപൂറിന്റെ ബ്രേക്ക് ഫാസ്റ്റ് വിത്ത് ചാമ്പ്യന്‍സ് എന്ന പരിപാടിയില്‍ സംസാരിക്കുകയായിരുന്നു താരം. 2003ലെ ഫൈനല്‍ തോല്‍വിയേക്കാള്‍ കൂടുതല്‍ വേദനിപ്പിച്ചത് 2007ലെ പുറത്താകലായിരുന്നെന്നും സെവാഗ് പറഞ്ഞു.
