ടി-20 ക്യാപ്റ്റന്‍ സ്ഥാനത്ത് നിന്ന് കോഹ്‌ലി ഒഴിയുന്നു
സ്പോര്‍ട്സ് ഡെസ്‌ക്
Thursday, 16th September 2021, 6:19 pm
മുംബൈ: ടി-20 ക്യാപ്റ്റന്‍ സ്ഥാനത്ത് നിന്ന് വിരാട് കോഹ്‌ലി രാജിവെക്കുന്നു. കോഹ്‌ലി തന്നെയാണ് സോഷ്യല്‍ മീഡിയ വഴി ഇക്കാര്യം അറിയിച്ചത്.
ബാറ്റ്‌സ്മാനായി തുടരുമെന്നും തീരുമാനം രവി ശാസ്ത്രിയുമായും രോഹിത് ശര്‍മയുമായും സംസാരിച്ചെന്നം കോഹ്‌ലി പറഞ്ഞു.
ടി-20 ലോകകപ്പിന് ശേഷമായിരിക്കും കോഹ്‌ലി നായകസ്ഥാനത്ത് നിന്ന് പടിയിറങ്ങുക. ടെസ്റ്റിലും ഏകദിനത്തിലും ക്യാപ്റ്റനായി താരം തുടരും.
ബി.സി.സി.ഐ പ്രസിഡന്റ് സൗരവ് ഗാംഗുലിയോടും സെക്രട്ടറി ജയ് ഷായോടും തന്റെ തീരുമാനം അറിയിച്ചിട്ടുണ്ടെന്നും കോഹ്‌ലി കൂട്ടിച്ചേര്‍ത്തു.
