ഇന്ത്യ-സൗത്ത് ആഫ്രിക്ക രണ്ട് ടെസ്റ്റ് പരമ്പരയിലെ ആദ്യ മത്സരം ആരംഭിക്കാന്‍ മണിക്കൂറുകള്‍ മാത്രമേ ബാക്കിയുള്ളൂ. സൗത്ത് ആഫ്രിക്കക്കെതിരെയുള്ള ടി-20 പരമ്പര 1-1 എന്ന നിലയില്‍ സമനിലയില്‍ പിരിയുകയും പിന്നീട് നടന്ന ഏകദിന പരമ്പര 2-1ന് ഇന്ത്യ സ്വന്തമാക്കുകയും ചെയ്തിരുന്നു.
കഴിഞ്ഞ ഐ.സി.സി ഏകദിന ലോകകപ്പിന് ശേഷം ഇന്ത്യന്‍ നായകന്‍ രോഹിത് ശര്‍മയും സ്റ്റാര്‍ ബാറ്റര്‍ വിരാട് കോഹ്‌ലിയും ആദ്യമായി ഇന്ത്യയുടെ അന്താരാഷ്ട്ര മത്സരത്തിലേക്ക് തിരിച്ചെത്തുന്നു എന്ന പ്രത്യേകതയും ഈ പരമ്പരയ്ക്കുണ്ട്.
ടെസ്റ്റ് പരമ്പരയില്‍ ഇന്ത്യന്‍ മുന്‍ നായകന്‍ വിരാട് കോഹ്‌ലിയുടെ ബാറ്റിങ് റെക്കോഡുകളാണ് ഇന്ത്യക്ക് മത്സരത്തില്‍ വലിയ പ്രതീക്ഷകള്‍ നല്‍കുന്നത്. സൗത്ത് ആഫ്രിക്കയില്‍ ടെസ്റ്റില്‍ 50ന് മുകളില്‍ ആവറേജ് ഉള്ള ഏക ഇന്ത്യന്‍ ബാറ്റര്‍ വിരാട് കോഹ്‌ലിയാണ്. 51.35 ആണ് സൗത്ത് ആഫ്രിക്കയില്‍ വിരാടിന്റെ ആവറേജ്.
Virat Kohli’s the only Indian batter to average above 50 in South Africa (minimum 6 inns)
