ഹര്‍ദിക് പാണ്ഡ്യക്കൊപ്പം മികച്ച കൂട്ടുകെട്ട് പടുത്തുയര്‍ത്തിയ വിരാട് ഇന്ത്യന്‍ ഇന്നിങ്‌സിനെ മുന്നോട്ട് നയിച്ചു. അവസാന ഒമ്പത് പന്തില്‍ നിന്നും 27 റണ്‍സ് വേണമെന്നിരിക്കെ വിരാടിന്റെ വെടിക്കെട്ടായിരുന്നു മെല്‍ബണില്‍ കണ്ടത്.
ഒന്നിന് പിന്നാലെ ഒന്ന് എന്ന നിലയില്‍ സിക്‌സര്‍ പറന്നപ്പോള്‍ 19ാം ഓവര്‍ എറിഞ്ഞ ഹാരിസ് റൗഫിന് തലയില്‍ കൈവെക്കാനേ സാധിച്ചിരുന്നുള്ളൂ.
അവസാന ഓവറില്‍ ജയിക്കാന്‍ 16 റണ്‍സ് വേണമെന്നിരിക്കെ, ആദ്യ പന്തില്‍ തന്നെ ഹര്‍ദിക് പാണ്ഡ്യയെ പുറത്താക്കി മുഹമ്മദ് നവാസ് പാകിസ്ഥാന് പ്രതീക്ഷ നല്‍കി. എന്നിരുന്നാലും വിരാട് ആഞ്ഞടിച്ചുകൊണ്ടേയിരുന്നു.
അവസാന രണ്ട് പന്തില്‍ രണ്ട് റണ്‍സ് വേണമെന്നിരിക്കെ അനാവശ്യ ഷോട്ടിന് ശ്രമിച്ച് ദിനേഷ് കാര്‍ത്തിക്കും പുറത്തായതോടെ പാകിസ്ഥാന് ക്യാമ്പിലും പ്രതീക്ഷയേറി.
തോറ്റു എന്ന് ഉറപ്പിച്ച നിമിഷത്തില്‍ നിന്നുമായിരുന്നു വിരാട് വീണ്ടും പഴയ ക്യാപ്റ്റനായത്. മാസങ്ങള്‍ക്ക് മുമ്പ് വിമര്‍ശനങ്ങളുടെ കൂരമ്പുകളേറ്റുവാങ്ങിയ വിരാട് തന്നെയായിരുന്നു പാകിസ്ഥാനെതിരായ റീ മാച്ചില്‍ ഇന്ത്യയുടെ വിജയത്തിന് കാരണമായത്.
Content Highlight: Virat Kohli leads India to victory in India vs Pakistan Melbourne T20
