സൂപ്പര്‍ ഫോറിലെ ഇന്ത്യ-പാകിസ്ഥാന്‍ പോരാട്ടത്തിനായുള്ള കാത്തിരിപ്പിലാണ് ക്രിക്കറ്റ് ആരാധകരെല്ലാം. ഗ്രൂപ്പ് സ്റ്റേജില്‍ ഇരുവരും ഏറ്റുമുട്ടിയപ്പോള്‍ മഴ മൂലം മത്സരം പൂര്‍ത്തിയാക്കാന്‍ സാധിച്ചില്ല. ഇന്ത്യയുടെ ബാറ്റിങ്ങിന് ശേഷം മഴ എത്തുകയും മത്സരം മുടങ്ങുകയുമായിരുന്നു.
സൂപ്പര്‍ ഫോര്‍ മത്സരം നടക്കുന്ന കൊളംബോയിലും മഴക്കുള്ള സാധ്യത കല്‍പ്പിച്ചിരുന്നുവെങ്കിലും നിലവില്‍ അവിടെ വെയിലാണെന്നാണ് റിപ്പോര്‍ട്ട്. ഇനി അഥവാ മത്സരം മുടങ്ങിയാലും മത്സരം പൂര്‍ത്തിയാക്കാന്‍ റിസര്‍വ് ഡേ ഉള്‍പ്പെടുത്തിയിട്ടുണ്ട്.
മത്സരം നടക്കുന്ന കൊളംബോയിലെ പ്രേമദാസ സ്റ്റേഡിയത്തില്‍ അസാധ്യ റെക്കോഡാണ് ഇന്ത്യന്‍ സൂപ്പര്‍ താരം വിരാട് കോഹ്‌ലിയുടേത്. കൊളംബോയില്‍ കളിച്ച അവസാന മൂന്ന് ഇന്നിങ്‌സിലും വിരാട് സെഞ്ച്വറി നേടിയിരുന്നു. കൊളംബോയില്‍ എട്ട് ഇന്നിങ്‌സില്‍ നിന്നും 519 റണ്‍സാണ് താരത്തിന്റെ സമ്പാദ്യം. 94 പ്രഹരശേഷിയില്‍ ബാറ്റ് വീശിയ വിരാടിന്റെ ശരാശരി 103 റണ്‍സാണ്.
Virat Kohli in the last 3 innings in Colombo stadium:
128*(119), 131(96), 110*(116)
– King returns to his favorite ground tomorrow. pic.twitter.com/z5zLtoHIhj
— Johns. (@CricCrazyJohns) September 9, 2023
