തിരിച്ചുവരവില്‍ കാട്ടുതീയായി കോഹ്‌ലി, കട്ടക്ക് കൂടെ നിന്ന് സൂര്യകുമാര്‍; സിക്‌സറുകളുടെ ആറാട്ട്; കൂറ്റന്‍ സ്‌കോറില്‍ ഇന്ത്യ
സ്പോര്‍ട്സ് ഡെസ്‌ക്
Wednesday, 31st August 2022, 9:25 pm
ഏഷ്യാ കപ്പിലെ രണ്ടാം മത്സരത്തില്‍ മികച്ച പ്രകടനം നടത്തി ഇന്ത്യ. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യ 20 ഓവറില്‍ രണ്ട് വിക്കറ്റ് നഷ്ടത്തില്‍ 192 റണ്‍സാണ് സ്വന്തമാക്കിയത്.
മുന്‍ ഇന്ത്യന്‍ നായകന്‍ വിരാട് കോഹ്‌ലിയുടെ തിരിച്ചുവരവിന് കൂടിയായിരുന്നു ഇന്ത്യ ഹോങ് കോങ് മത്സരം സാക്ഷ്യം വഹിച്ചത്. 44 പന്തില്‍ നിന്നും പുറത്താവാതെ 59 റണ്‍സാണ് താരം സ്വന്തമാക്കിയത്.
കോഹ്‌ലിക്ക് പുറമെ ഹോങ് കോങ് ബൗളര്‍മാര്‍ക്ക് മേല്‍ കാട്ടുതീയായ് പടര്‍ന്നത് സൂര്യകുമാര്‍ യാദവായിരുന്നു. വെറും 26 പന്തില്‍ നിന്നും പുറത്താവാതെ 68 റണ്‍സാണ് താരം സ്വന്തമാക്കിയത്.
𝐅𝐈𝐅𝐓𝐘 for @imVkohli 💪💪
A well made half-century for Virat Kohli. His 31st in T20Is.
Live – https://t.co/k9H9a0e758 #INDvHK #AsiaCup2022 pic.twitter.com/QeZsANLiFq
— BCCI (@BCCI) August 31, 2022
