ലോകത്ത് തന്നെ മികച്ച താരങ്ങളുള്ള ക്ലബ്ബാണ് പാരീസ് സെന്റ് ഷെര്‍മാങ്. അര്‍ജന്റൈന്‍ ഇതിഹാസം ലയണല്‍ മെസിയും ഫ്രഞ്ച് യുവ താരം കിലിയന്‍ എംബാപ്പെയും ബ്രസീല്‍ സൂപ്പര്‍താരം നെയ്മറും ഉള്‍പ്പെടുന്ന പി.എസ്.ജിയുടെ മുന്നേറ്റനിര ലോകത്തിലെ തന്നെ മികച്ച താരങ്ങളുടെ ലിസ്റ്റാണ്.
കഴിഞ്ഞ ഖത്തര്‍ ലോകകപ്പില്‍ മികച്ച പ്രകടം കാഴ്ചവെച്ച ടീമാണ് മൊറോക്കൊ. ഈ ആഫ്രിക്കന്‍ രാജ്യത്തിന്റെ സൂപ്പര്‍താരം അഷ്‌റഫ് ഹക്കീമിയും ക്ലബ്ബ് ഫുട്‌ബോളില്‍ പി.എസ്.ജിക്കായിട്ടാണ് പന്ത് തട്ടുന്നത്.
പി.എസ്.ജി ക്യാമ്പില്‍ നിന്നുള്ള ഒരു വീഡിയോയാണിപ്പോള്‍ സോഷ്യല്‍ മീഡിയയില്‍ വൈറലാകുന്നത്. മെസി, എംബാപ്പെ, നെയ്മര്‍, മുന്‍ സ്പാനിഷ് ഡിഫെന്‍ഡര്‍ സെര്‍ജിയോ റാമോസ് എന്നിവര്‍ പരിശീലനത്തിനിടെ അഷ്‌റഫ് ഹക്കീമിയെ ‘വെള്ളം കുടിപ്പി’ക്കുന്നതാണ് വീഡിയോയിലുള്ളത്.
മെസി, റാമോസ്, നെയ്മര്‍, എംബാപ്പെ എന്നിവരില്‍ നിന്ന് പന്ത് കൈവശം നേടാനാണ് ഹക്കീമി കഷ്ടപ്പെടുന്നത്. പന്ത് കൈവശപ്പെടുത്താന്‍ ഹക്കീമി പരമാവധി ശ്രമിക്കുന്നുണ്ട്. എന്നാല്‍ മറ്റ് നാല് കളിക്കാരും മൊറോക്കന്‍ താരത്തെ കളിപ്പാട്ടം പോലെ വട്ടം കറക്കുയാണ്.
Hakimi try to get ball from Messi .Neymar .Mbappe and Ramos #viralterbaru #football #retweet pic.twitter.com/7nyYw8szTi
— Faizan_Khan_01 (@FaizanKhan0113) January 24, 2023
