വാഷിംഗ്ടണ്‍: സ്വവര്‍ഗാനുരാഗികളായ ദമ്പതികളുടെ വീഡിയോ നീക്കം ചെയ്ത് ടിക്-ടോക്ക്. കമ്മ്യൂണിറ്റി മാര്‍ഗ്ഗനിര്‍ദ്ദേശങ്ങള്‍ ലംഘിച്ചെന്ന് ആരോപിച്ചാണ്‌ ടിക് -ടോക് സ്വവര്‍ഗാനുരാകികളുടെ വീഡിയോ നീക്കം ചെയ്തത്.
അടുത്തിടെ വെഡിംഗ് ഫോട്ടോ ഷൂട്ടിലൂടെ ശ്രദ്ധേയരായ സുന്ദസ് മാലിക് -അഞ്ജലി ചക്ര ദമ്പതികളുടെ വീഡിയോ ആണ് ടിക്ക് ടോക്ക് നീക്കം ചെയ്തിരിക്കുന്നത്. ഇവരുടെ വിവാഹ ഫോട്ടോഷൂട്ട് ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
സുന്ദസ് മാലിക്കും അഞ്ജലി ചക്രയും ഒരുമിച്ചുള്ള ചിത്രങ്ങളും വീഡിയോകളും സമൂഹ മാധ്യമങ്ങളില്‍ പോസ്റ്റ് ചെയ്യാറുണ്ട്. എന്നാല്‍ ഇവര്‍ പോസ്റ്റ് ചെയ്ത വീഡിയോ കമ്മ്യൂണിറ്റി മാനദണ്ഡങ്ങള്‍ ലംഘിച്ചെന്ന കാരണം പറഞ്ഞ് ടിക് ടോക് നീക്കം ചെയ്യുകയായിരുന്നു. അതേ സമയം ടിക് ടോക്കിന്റെ ഹോമോഫോബിയക്കെതിരെ രൂക്ഷവിമര്‍ശനവുമായി അഞ്ജലി ട്വിറ്ററില്‍ പ്രതികരിച്ചിട്ടുണ്ട്. ഇവര്‍ വീഡിയോ ട്വിറ്ററിലും പോസ്റ്റ് ചെയ്തിട്ടുണ്ട്.
