അര്‍ജുന അവാര്‍ഡും ഖേല്‍ രത്ന പുരസ്‌കാരവും തിരികെ നല്‍കി വിനേഷ് ഫോഗട്ട്
ഡൂള്‍ന്യൂസ് ഡെസ്‌ക്
Saturday, 30th December 2023, 6:22 pm
ന്യൂദല്‍ഹി: സാക്ഷി മാലികിന് ഐക്യദാര്‍ഢ്യം പ്രഖ്യാപിച്ച് അര്‍ജുന അവാര്‍ഡും ഖേല്‍ രത്ന പുരസ്‌കാരവും തിരികെ നല്‍കി ഗുസ്തി താരമായ വിനേഷ് ഫോഗട്ട്. അര്‍ജുന അവാര്‍ഡ് ഫലകം കര്‍ത്തവ്യപഥിന് മുന്നില്‍ വെച്ച് ഫോഗട്ട് മടങ്ങിയതായി മാധ്യമങ്ങള്‍ റിപ്പോര്‍ട്ട് ചെയ്തു. നിലവിൽ പ്രധാനമന്ത്രി നരേന്ദ്ര മോദിയുടെ ഓഫീസിന് മുന്നില്‍ കായിക താരങ്ങളുടെ ശക്തമായ പ്രതിഷേധം നടക്കുകയാണെന്നും റിപ്പോര്‍ട്ട് സൂചിപ്പിക്കുന്നു.
ഗുസ്തി ഫെഡറേഷന്റെ പുതിയ ഭരണസമിതിയിലേക്ക് ബ്രിജ് ഭൂഷന്റെ വിശ്വസ്തതനായ സഞ്ജയ് സിങ് തെരഞ്ഞെടുക്കപ്പെട്ടതിന് പിന്നാലെ, ഗുസ്തിയില്‍ നിന്ന് വിരമിക്കല്‍ പ്രഖ്യാപിച്ച സാക്ഷി മാലികിന് ഐക്യദാര്‍ഢ്യം പ്രഖ്യാപിച്ച് പുരസ്‌കാരങ്ങള്‍ തിരികെ നല്‍കുമെന്ന് വിനേഷ് നേരത്തെ പ്രഖ്യാപിച്ചിരുന്നു.
