കൊച്ചി: ഒടുവില്‍ ആരാധകര്‍ കാത്തിരുന്ന ആ വാര്‍ത്ത ഔദ്യോഗികമായി വിനീത് ശ്രീനിവാസന്‍ പ്രഖ്യാപിച്ചു. വിനീത് വീണ്ടും സംവിധാനം ചെയ്യുന്നു. നായിക നായകരാവുന്നത് പ്രണവ് മോഹന്‍ലാലും കല്ല്യാണി പ്രിയദര്‍ശനും കൂടെ ദര്‍ശന രാജേന്ദ്രനും.
ഹൃദയം എന്ന് പേരിട്ടിരിക്കുന്ന ചിത്രം അടുത്ത വര്‍ഷം ഓണത്തിന് തിയേറ്ററുകളില്‍ എത്തും.
മറ്റൊരു പ്രത്യേകത കൂടി ചിത്രത്തിന് ഉണ്ട്. നാല്‍പ്പത് വര്‍ഷത്തിന് ശേഷം മെറിലാന്റ് നിര്‍മ്മാണ കമ്പനിയാണ് ചിത്രം നിര്‍മ്മിക്കുന്നത്. ലൗ ആക്ഷന്‍ ഡ്രാമയുടെ കോ പ്രൊഡ്യൂസറായിരുന്ന വിശാഖ് ആണ് ചിത്രം നിര്‍മ്മിക്കുന്നത്. കൂടെ ഹെലനിലെ നായകനായ നോബിള്‍ തോമസും നിര്‍മ്മാണ രംഗത്ത് ഉണ്ട്.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
പ്രണവ് മോഹന്‍ലാല്‍ അഭിനയിക്കുന്ന ഏഴാമത്തെ ചിത്രമാണിത്. നേരത്തെ കല്ല്യാണിക്കും പ്രണവിനും ഒപ്പം നിവിന്‍ പോളിയും ചിത്രത്തില്‍ അഭിനയിക്കുമെന്ന് വാര്‍ത്തകള്‍ പുറത്തുവന്നിരുന്നു.
എന്നാല്‍ പുറത്ത് വരുന്ന വാര്‍ത്തകള്‍ എല്ലാം ശരിയല്ലെന്നും ശരിയായ സമയത്ത് താന്‍ തന്നെ എല്ലാം പ്രേക്ഷകരോട് പറയുമെന്നും വിനീത് ശ്രീനിവാസന്‍ പറഞ്ഞിരുന്നു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ചിത്രത്തിന്റെ രണ്ടാം ഭാഗമാണ് വിനീത് ചെയ്യുന്നതെന്നും വാര്‍ത്തകള്‍ പുറത്തുവരുന്നുണ്ട്. മരയ്ക്കാര്‍ അറബിക്കടലിന്റെ സിംഹം ആണ് കല്ല്യാണിയും പ്രണവും ഒന്നിച്ചഭിനയിച്ച ചിത്രം.
ദുല്‍ഖര്‍ സല്‍മാന്‍ നിര്‍മ്മിക്കുന്ന അനൂപ് സത്യന്‍ സംവിധാനം ചെയ്യുന്ന ചിത്രത്തിലും കല്ല്യാണിയാണ് നായിക. സുരേഷ് ഗോപിയും ശോഭനയും ചിത്രത്തില്‍ നിര്‍ണായക വേഷത്തില്‍ എത്തുന്നുണ്ട്.
DoolNews Video