മാലിക് റിലീസ് ആയതിന് ശേഷം ചിത്രത്തിലെ അഭിനേതാക്കളായ ഫഹദ് ഫാസില്‍, വിനയ് ഫോര്‍ട്ട്, നിമിഷ സജയന്‍ തുടങ്ങിയവര്‍ ചിത്രത്തിന്റെ അനുഭവങ്ങള്‍ തുറന്നുപറഞ്ഞുകൊണ്ട് രംഗത്തുവന്നിരുന്നു.
തന്റെ കഥാപാത്രത്തെക്കുറിച്ചും കാഴ്ചപ്പാടുകളെക്കുറിച്ചും നടന്‍ വിനയ് ഫോര്‍ട്ട് പറയുന്ന ചില കാര്യങ്ങളാണ് ഇപ്പോള്‍ ശ്രദ്ധേയമാവുന്നത്. കഥാപാത്രത്തിന് വേണ്ടി തടി കൂട്ടുകയും കുറക്കുകയും ചെയ്യുന്നതിനേക്കാള്‍ തന്നെ എക്‌സൈറ്റ് ചെയ്യിപ്പിച്ചിരിക്കുന്നത് ബോഡി ലാംഗ്വേജ് ആണെന്നാണ് നടന്‍ പറയുന്നത്.
മാലികിലെ ഡേവിഡ് എന്ന കഥാപാത്രത്തിന് വേണ്ടി തടി കൂട്ടാനും കുറക്കാനും തനിക്ക് സമയം കിട്ടിയിരുന്നില്ലെന്നും, ഫഹദിനാണ് കഥാപാത്രത്തിന് വേണ്ടി ശരീരം മെലിയിക്കാന്‍ സമയം കിട്ടിയിരുന്നതെന്നും വിനയ് ഫോര്‍ട്ട് പറഞ്ഞു.
‘ചിത്രത്തില്‍ 20 വയസ്സുള്ള നമ്മുടെ ബോഡി ലാംഗ്വേജ് അല്ല അറുപത് വയസ്സില്‍ ഉള്ളത്. രഞ്ജിത്ത് അമ്പാടിയെപ്പോലെ ഒരു മേക്കപ്പ് മാന്‍ അതിന് സഹായിച്ചു. പിന്നെ മഹേഷേട്ടനെ പോലെ ഒരു ഫിലിംമേക്കറും. അതെല്ലാം ചേര്‍ന്നതുകൊണ്ട് എളുപ്പമായി,’ വിനയ് പറയുന്നു.
