സെയ്ഫിനെ സൈഡാക്കി ഹൃത്വികിന്റെ അഴിഞ്ഞാട്ടം; വിക്രം വേദ ടീസര്‍
എന്റര്‍ടെയിന്‍മെന്റ് ഡെസ്‌ക്
Wednesday, 24th August 2022, 12:53 pm
ഹൃത്വിക് റോഷന്‍ സെയ്ഫ് അലി ഖാന്‍ എന്നിവര്‍ കേന്ദ്രകഥാപാത്രങ്ങളാവുന്ന വിക്രം വേദയുടെ ടീസര്‍ പുറത്ത്. സൂപ്പര്‍ ഹിറ്റ് തമിഴ് ചിത്രത്തിന്റെ ഹിന്ദി റീമേക്കാണ് അതേ പേരില്‍ തന്നെ എടുത്തിരിക്കുന്നത്. വിജയ് സേതുപതി അവതരിപ്പിച്ച വേദയായി ഹൃത്വിക് റോഷന്‍ എത്തുമ്പോള്‍ മാധവന്‍ അവതരിപ്പിച്ച വിക്രമായി സെയ്ഫ് അലി ഖാന്‍ എത്തുന്നു.
കിടിലന്‍ ആക്ഷന്‍ രംഗങ്ങളുമായാണ് ചിത്രത്തിന്റെ ടീസര്‍ വന്നിരിക്കുന്നത്. ഹൃത്വികിന്റെ പ്രകടനമാണ് ടീസറിന്റെ ഹൈലൈറ്റ്. സെയ്ഫിനെ സൈഡാക്കി ഹൃത്വിക്കിന്റെ അഴിഞ്ഞാട്ടമാണ് ടീസര്‍ മുഴുവന്‍.
മൂന്ന് വര്‍ഷത്തെ ഇടവേളക്ക് ശേഷമാണ് ഋത്വിക് റോഷന്റെ ഒരു സിനിമ വീണ്ടും തിയേറ്ററുകളിലേക്ക് എത്തുന്നത്. 2019 ല്‍ പുറത്തിറങ്ങിയ വാര്‍ ആണ് ഒടുവില്‍ റിലീസ് ചെയ്ത ഋത്വിക് ചിത്രം.
