ന്യൂദല്‍ഹി: ഗുജറാത്തില്‍ വിജയ് രൂപാണി മുഖ്യമന്ത്രി സ്ഥാനം രാജി വെച്ചതിനെ പരിഹസിച്ച് മുതിര്‍ന്ന കോണ്‍ഗ്രസ് നേതാവ് പി. ചിദംബരം.
വിശ്വാസ വോട്ടെടുപ്പില്ലാതെ രൂപാണിയെ ബി.ജെ.പിയുടെ ഒറ്റയാന്‍ ഹൈക്കമാന്റ് പുറത്താക്കിയെന്നും 2022ല്‍ ഗുജറാത്തിലെ ജനങ്ങള്‍ ചെയ്യേണ്ട കാര്യമായിരുന്നു അതെന്നും ചിദംബരം പറഞ്ഞു.
‘രൂപാണി നേതൃത്വം നല്‍കിയ സര്‍ക്കാരിനെ വിശ്വാസവോട്ട് പോലും ഇല്ലാതെ ഒറ്റയാന്‍ ഹൈക്കമാന്റ് പുറത്താക്കിയിരിക്കുന്നു. ദൈവത്തിന് സ്തുതി, 2022ല്‍ ജനങ്ങള്‍ രൂപാണിയെ പുറത്താക്കും മുന്‍പേ നിങ്ങളത് ചെയ്തു,’ ചിദംബരം ട്വീറ്റ് ചെയ്തു.
The Rupani-led BJP government in Gujarat was voted out of office by a no-confidence motion passed by the BJP High Command of One
Thank god it was done before the people of Gujarat voted it out in December 2022
— P. Chidambaram (@PChidambaram_IN) September 17, 2021
രൂപാണി സ്ഥാനം ഒഴിഞ്ഞെങ്കിലും പകരം അധികാരമേറ്റ ഭൂപേന്ദ്ര പട്ടേലിനും ഇതേ ഗതിയായിരിക്കുമെന്നും അദ്ദേഹം കൂട്ടിച്ചേര്‍ത്തു.
‘ജനങ്ങളുടെ വിശ്വാസവോട്ടില്‍ ഭൂപേന്ദ്ര പട്ടേലും പുറത്താക്കപ്പെടും,’ ചിദംബരം പറഞ്ഞു.
