എറിഞ്ഞിട്ട് ശ്രീശാന്ത്, കൊടുങ്കാറ്റായി ഉത്തപ്പ; കേരളത്തിന് ത്രസിപ്പിക്കുന്ന ജയം
സ്പോര്‍ട്സ് ഡെസ്‌ക്
Sunday, 28th February 2021, 5:05 pm
ബെംഗളൂരൂ: വിജയ് ഹസാരെ ട്രോഫിയില്‍ കേരളത്തിന് തകര്‍പ്പന്‍ ജയം. കേരളത്തിന് അടുത്ത റൗണ്ടിലേക്ക് സാധ്യത നിലനിര്‍ത്താന്‍ ബീഹാറിനെതിരെ 16.2 ഓവറില്‍ 149 വേണമായിരുന്നു.
എന്നാല്‍ റോബിന്‍ ഉത്തപ്പയുടെ അസാധ്യ വെടിക്കെട്ട് പ്രകടനത്തില്‍ കേരളം ഒരു വിക്കറ്റ് നഷ്ടപ്പെടുത്തി വെറും 8.5 ഓവറില്‍ ലക്ഷ്യം കണ്ടു.
32 പന്തില്‍ 10 സിക്സും നാലു ഫോറുമടക്കം 87 റണ്‍സെടുത്ത് പുറത്താകാതെ നിന്ന റോബിന്‍ ഉത്തപ്പയാണ് കേരളത്തിന്റെ വിജയം എളുപ്പമാക്കിയത്.
