കൊവിഡ് കാലത്ത് വിജയ് നല്‍കിയ 5000 രൂപ കാലുകള്‍ തളര്‍ന്ന അജിത് ആരാധകന് കൈമാറി വിജയ് ആരാധകന്
എന്റര്‍ടെയിന്‍മെന്റ് ഡെസ്‌ക്
Monday, 27th April 2020, 3:45 pm
മധുരൈ: കൊവിഡ് മഹാമാരിയെ തുടര്‍ന്ന് ദുരിതത്തിലായ സ്വന്തം ആരാധകര്‍ക്ക് സഹായവുമായി നടന്‍ വിജയ് എത്തിയിരുന്നു. 5000 രൂപ വീതമാണ് വിജയ് ദുരിതം അനുഭവിക്കുന്ന അരാധകര്‍ക്ക് നല്‍കിയത്.
50 ലക്ഷം രൂപയാണ് ഇതിനുവേണ്ടി വിജയ് മാറ്റി വെച്ചത്. എന്നാല്‍ ഈ തുക തന്നെക്കാള്‍ കൂടുതല്‍ ദുരിതം അനുഭവിക്കുന്ന മറ്റൊരു താരത്തിന്റെ ആരാധകന് നല്‍കിയിരിക്കുകയാണ് വിജയുടെ ആരാധകരില്‍ ഒരാള്‍.
കാലുകള്‍ തളര്‍ന്ന അജിത് ആരാധകനാണ് വിജയ് ആരാധകന് കൂടിയായ മധുരൈ സ്വദേശിയായ നാഗരാജ് തനിക്ക് ലഭിച്ച പണം നല്‍കിയത്. മധുരൈ സ്വദേശി തന്നെയായ ശശികുമാറിനാണ് നാഗരാജിന് 5000 രൂപ നല്‍കുകയായിരുന്നു.
