സ്പോര്‍ട്സ് ഡെസ്‌ക്6 min
കൊച്ചി: വിജയ് ബാബുവിന്റെ ഫ്രൈഡേ ഫിലിം ഹൗസ് നിര്‍മിക്കുന്ന പതിനഞ്ചാമത് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. വാലാട്ടി എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് നവാഗതനായ ദേവന്‍ ആണ്.
നാല് പട്ടികളാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. ടോമി, അമലു, കരിദാസ്, ബ്രൂണോ എന്നീ നാല് കഥാപാത്രങ്ങളെയാണ് പട്ടികള്‍ അവതരിപ്പിക്കുന്നത്.
വി എഫ് എക്‌സിന്റെ സഹായം ഒന്നുമില്ലാതെ യഥാര്‍ത്ഥ പട്ടികള്‍ തന്നെയാണ് ചിത്രത്തില്‍ അഭിനയിക്കുന്നതെന്ന് നിര്‍മ്മാതാവ് വിജയ് ബാബു പറഞ്ഞു. വിഷ്ണു പണിക്കര്‍ ഛായാഗ്രഹണവും അയൂബ് ഖാന്‍ എഡിറ്റിംഗും നിര്‍വഹിക്കുന്നു.
നവാഗതനായ വരുണ്‍ സുനില്‍ ആണ് സംഗീതം.
