കേരളാ പൊലീസിന്റെ കൊവിഡ് നൃത്തച്ചുവടുകള്‍ ഏറ്റെടുത്ത് അന്താരാഷ്ട്ര മാധ്യമങ്ങള്‍; കേരള മോഡല്‍ ഫോക്‌സ് ന്യൂസിലും
ഡൂള്‍ന്യൂസ് ഡെസ്‌ക്
Friday, 20th March 2020, 9:24 am
കേരളാ പൊലീസിന്റെ കൈകഴുകല്‍ ഡാന്‍സ് വീഡിയോ ഏറ്റെടുത്ത് അന്താരാഷ്ട്ര മാധ്യമങ്ങള്‍. കൊറോണയെ എങ്ങനെയൊക്കെ പ്രതിരോധിക്കാം എന്ന് വിശധമാക്കുന്ന നിര്‍ദ്ദേശങ്ങളടങ്ങിയ വീഡിയോ ആണ് വൈറലായിരിക്കുന്നത്. നിരവധി അന്താരാഷ്ട്ര മാധ്യമങ്ങളാണ് കേരളാ പൊലീസിന്റെ ഈ ഉദ്യമത്തെ അഭിനന്ദിച്ച് രംഗത്തെത്തിയിരിക്കുന്നത്.
ഇപ്പോഴിതാ പ്രമുഖ അമേരിക്കന്‍ ടി.വി ചാനലായ ഫോക്‌സ് ന്യൂസും ഏറ്റെടുത്തിരിക്കുകയാമ് ഈ കേരള മോഡല്‍. ബി.ബി.സി അടക്കമുള്ള മാധ്യമങ്ങളും ഇതിനെ അഭിനന്ദിച്ച് രംഗത്തെത്തിയിരുന്നു. സൗത്ത് ചൈന മോണിങ് പോസറ്റും വീഡിയോ പങ്കുവെച്ചു.
