വീട്ടിലുള്ള പെണ്ണുങ്ങള്‍ക്ക് സ്വാതന്ത്ര്യം കൊടുക്കണ്ടേ, അതൊക്കെ ഞമ്മടെ ഇക്കാക്ക; വൈറലായി ജയ ഹേയിലെ രംഗം
എന്റര്‍ടെയിന്‍മെന്റ് ഡെസ്‌ക്
Thursday, 22nd December 2022, 8:38 pm
ദര്‍ശന രാജേന്ദ്രന്‍, ബേസില്‍ ജോസഫ് എന്നിവര്‍ കേന്ദ്രകഥാപാത്രങ്ങളായ ജയ ജയ ജയ ജയ ഹേ ഈ വര്‍ഷമിറങ്ങിയ മലയാളസിനിമയിലെ സൂപ്പര്‍ ഹിറ്റുകളിലൊന്നാണ്. വീട്ടകങ്ങളില്‍ സ്ത്രീകള്‍ അനുഭവിക്കുന്ന അനീതിയും അതിക്രമവും തുറന്നുകാണിച്ച ചിത്രം കുടുംബപ്രേക്ഷകരുള്‍പ്പെടെ ഏറ്റെടുത്തിരുന്നു.
ചിത്രം ഇപ്പോള്‍ ഒ.ടി.ടിയിലും റിലീസ് ചെയ്തിരിക്കുകയാണ്. ഡിസ്‌നി പ്ലസ് ഹോട് സ്റ്റാറില്‍ ഡിസംബര്‍ 22നാണ് ജയ ജയ ജയ ജയ ഹേ റിലീസ് ചെയ്തത്.
ഒ.ടി.ടി റിലീസിന് പിന്നാലെ ചിത്രം വീണ്ടും ചര്‍ച്ചയിലേക്ക് ഉയര്‍ന്നിരിക്കുകയാണ്. ജയ ഹേയിലെ ബേസില്‍ ജോസഫും അസീസ് നെടുമങ്ങാടും ഒന്നിച്ചെത്തുന്ന ഒരു രംഗം ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാവുകയാണ്.
