ലഖ്‌നൗ: വിജയദശമി ആഘോഷങ്ങളുടെ ഇടയില്‍ തോക്കുകളും വാളുകളും വീശി നൃത്വം ചെയ്യുന്ന ഹിന്ദുത്വവാദികളുടെ വീഡിയോ സമൂഹ മാധ്യമങ്ങളില്‍ വിമര്‍ശിക്കപ്പെടുന്നു. ഉത്തര്‍പ്രദേശിലെ സിദ്ധാര്‍ത്ഥനഗറിലാണ് ശാസ്ത്രപൂജ ആഘോഷങ്ങള്‍ക്കിടയില്‍ ഒരു സംഘം യുവാക്കള്‍ തോക്കുകളും വാളുംവീശി പരസ്യമായി നൃത്തം ചെയ്യുന്നത്. മധ്യമപ്രവര്‍ത്തകനായ മുഹമ്മദ് ഹസനാണ് ഈ വീഡിയോ ട്വിറ്ററിലൂടെ പുറത്തുവിട്ടത്.
‘യു.പിയിലെ ഹിന്ദു വലതുപക്ഷക്കാര്‍, മതപരമായ ഘോഷയാത്ര തോക്കും വാളുകളും വീശി ആഘോഷിക്കുന്നു,’ എന്ന് എഴുതിയാണ് കോളമിസ്റ്റ് അശോക് സ്വയിന്‍ ഹസന്റെ ഈ വീഡിയോ പങ്കുവെച്ചത്.
Dozens of youth illegally waving guns and swords in public while dancing amid Shastra Puja ‘celebrations’ in Uttar Pradesh’s Siddarthnagar. pic.twitter.com/Z61H9TjC2F
— Mahmodul Hassan (@mhassanism) October 6, 2022
ഇത്തരത്തിലുള്ള ഒരുപാട് സംഭവങ്ങളാണ് വിജയദശമി ആഘോഷത്തിന്റെ ഭാഗമായി രാജ്യത്തിന്റെ പല ഭാഗങ്ങളില്‍ നിന്ന് റിപ്പോര്‍ട്ട് ചെയ്യുന്നത്.
മംഗലാപുരത്ത് നടന്ന വിജയദശമി റാലിയിലെ പ്ലോട്ടില്‍ യു.പി മുഖ്യമന്ത്രി യോഗിയും ബുള്‍ഡോസറും തോക്കുകളുമുള്ള ദൃശ്യങ്ങളും ഇത്തരത്തില്‍ വിമര്‍ശിക്കപ്പെട്ടിരുന്നു.
