ഭവാനിപ്പുഴ മുറിച്ച് കടന്ന് മുരുഗുള ഊരിലേക്ക് എത്തിയിരുന്ന ആരോഗ്യപ്രവര്‍ത്തകരെ നേരില്‍ക്കണ്ട് അഭിനന്ദിച്ച് ആരോഗ്യമന്ത്രി
ഡൂള്‍ന്യൂസ് ഡെസ്‌ക്
Saturday, 26th June 2021, 5:07 pm
പാലക്കാട്: അട്ടപ്പാടിയിലെ മുരുഗുള ഊരിലുള്ള പുതൂര്‍ പ്രാഥമികാരോഗ്യ കേന്ദ്രത്തിലേക്ക് ഭവാനിപ്പുഴ മുറിച്ച് കടന്ന് പോയിരുന്ന ആരോഗ്യപ്രവര്‍ത്തകരെ നേരില്‍ക്കണ്ട് അഭിനന്ദിച്ച് ആരോഗ്യമന്ത്രി വീണാ ജോര്‍ജ്.
ഡോക്ടര്‍ സുകന്യ, ഹെല്‍ത്ത് ഇന്‍സ്‌പെക്ടര്‍ സുനില്‍ വാസു, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ സൈജു, ഡ്രൈവര്‍ സജേഷ് എന്നിവരെയാണ് ആരോഗ്യമന്ത്രി പ്രാഥമികാരോഗ്യ കേന്ദ്രത്തിലെത്തി അഭിനന്ദിച്ചത്.
പുഴ മുറിച്ച് കടന്ന് ആരോഗ്യപ്രവര്‍ത്തകര്‍ പോവുന്നതിന്റെ ചിത്രങ്ങള്‍ നേരത്തേ വീണാ ജോര്‍ജ് ഫേസ്ബുക്കില്‍ പങ്കുവെച്ചിരുന്നു. ആരോഗ്യകേന്ദ്രത്തിലേക്ക് ഒരു ആംബുലന്‍സ് കൂടി വാങ്ങുമെന്ന് മന്ത്രി അറിയിച്ചു. നേരത്തേ ഒരു ആംബുലന്‍സ് മാത്രമാണ് ഇവിടെയുണ്ടായിരുന്നത്.
മണ്ണാര്‍ക്കാട് എം.എല്‍.എ. എന്‍.ഷംസുദ്ദീനും ആരോഗ്യമന്ത്രിക്കൊപ്പം പുതൂര്‍ പ്രാഥമികാരോഗ്യ കേന്ദ്രത്തിലെത്തി.
