മൂന്നാര്‍: വട്ടവടയില്‍ മരം വീണ് വഴികള്‍ തടസപ്പെട്ടതിനെ തുടര്‍ന്ന് ഹൃദ്രോഗിയെ ആശുപത്രിയിലെത്തിക്കാന്‍ കഴിയാതെ മരണം. വട്ടവട സ്വദേശി രാജയാണ് മരിച്ചത്. രണ്ടുമണിക്കായിരുന്നു ഹൃദയാഘാതം. മരങ്ങള്‍ വെട്ടിമാറ്റി എട്ടുമണിക്ക് യാത്ര തുടര്‍ന്നെങ്കിലും മൂന്നാറിലെത്താനായില്ല.
കനത്തമഴയില്‍ വട്ടവട ഒറ്റപ്പെട്ട അവസ്ഥയിലാണ്. വ്യാപക കൃഷിനാശം ഉണ്ടായിട്ടുണ്ട്. പഴത്തോട്ടം ഗ്രാമത്തില്‍ 20 വീടുകള്‍ പൂര്‍ണമായും തകര്‍ന്നു.
അതേസമയം കേരളത്തില്‍ രണ്ടിടത്ത് പ്രളയസാധ്യതയുണ്ടെന്ന് കേന്ദ്ര ജലകമ്മീഷന്‍ അറിയിച്ചിട്ടുണ്ട്.
പത്തനംതിട്ട ജില്ലയിലെ മണിമല, അച്ചന്‍കോവില്‍ നദികളിലാണ് പ്രളയസാധ്യതയുണ്ടെന്ന് ജല കമ്മീഷന്‍ മുന്നറിയിപ്പ് നല്‍കിയത്.
