വിജയിയുടെ ഈ സൂപ്പര്‍ഹിറ്റ് കഥാപാത്രത്തെ അവതരിപ്പിക്കാനൊരുങ്ങി വരുണ്‍ ധവാന്‍?; സംവിധാനം ആറ്റ്‌ലി തന്നെയെന്ന് റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Monday, 27th April 2020, 5:34 pm
വിജയിയുടെ തെറി ബോളിവുഡിലേക്ക് റീമേക്ക് ചെയ്യുന്നുവെന്ന് പുതിയ റിപ്പോര്‍ട്ടുകള്‍. വരുണ്‍ ധവാനാണ് വിജയുടെ കഥാപാത്രത്തെ ചിത്രത്തില്‍ അവതരിപ്പിക്കുക. വിജയ് അവതരിപ്പിച്ച കഥാപാത്രത്തെ അവതരിപ്പിക്കാന്‍ വരുണ്‍ ധവാന്‍ സമ്മതം മൂളിയതിനെ തുടര്‍ന്ന് തിരക്കഥയെ കുറിച്ച് ചര്‍ച്ച നടക്കുകയാണെന്നും റിപ്പോര്‍ട്ടില്‍ പറയുന്നു.
ആറ്റ്‌ലി തന്നെയാണോ ഈ ചിത്രം ബോളിവുഡിലും സംവിധാനം ചെയ്യുക എന്നതില്‍ ഇപ്പോള്‍ ഉറപ്പില്ല. എന്നാല്‍ ട്വിറ്ററില്‍ വരുണ്‍ ധവാനും ആറ്റ്‌ലിയും തമ്മിലുള്ള അടുപ്പത്തെ മുന്‍നിര്‍ത്തി ചിത്രം ആറ്റ്‌ലി തന്നെ സംവിധാനം ചെയ്‌തേക്കുമെന്നാണ് പറയുന്നത്.
