കൊച്ചി: 2020 ല്‍ മലയാളത്തില്‍ ഇറങ്ങിയ സിനിമകളില്‍ ഫീല്‍ ഗുഡ് മൂവി എന്ന് പ്രശംസ നേടിയ ചിത്രമായിരുന്നു വരനെ ആവശ്യമുണ്ട്. സത്യന്‍ അന്തിക്കാടിന്റെ മകന്‍ അനൂപ് സത്യന്‍ ആയിരുന്നു സംവിധാനം.
ശോഭന, ഉര്‍വശി, സുരേഷ് ഗോപി, കെ.പി.എ.സി. ലളിത, ദുല്‍ഖര്‍ സല്‍മാന്‍, കല്യാണി പ്രിയദര്‍ശന്‍, ജോണി ആന്റണി എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്.
ഇതില്‍ ജോണി ആന്റണിയുടെ ഡോ. ബോസ് എന്ന കഥാപാത്രത്തിന്റേത് മികച്ച പ്രകടനമായിരുന്നു. സിനിമയിലെ നര്‍മരംഗങ്ങളില്‍ അസാധ്യ പ്രകടനമായിരുന്നു ജോണി ആന്റണിയുടേത്.
ചിത്രത്തില്‍ ഏറെ ചിരി പടര്‍ത്തിയ രംഗമായിരുന്നു സുരേഷ് ഗോപിയുടെ കഥാപാത്രത്തോട് ജോണി ആന്റണിയുടെ കഥാപാത്രം പറയുന്ന ‘ ഈ വിളക്ക് ഞാന്‍ ഇങ്ങെടുക്കുവാ’ എന്ന സീന്‍. ലോക്‌സഭാ തെരഞ്ഞെടുപ്പില്‍ തൃശ്ശൂര്‍ ഞാനിങ്ങെടുക്കുവാ എന്ന് പറഞ്ഞ സുരേഷ് ഗോപിയുടെ ഡയലോഗ് ചിത്രത്തില്‍ ഉള്‍പ്പെടുത്തിയത് ജോണി ആന്റണി പറഞ്ഞിട്ടാണെന്ന് അനൂപ് സത്യന്‍ പറയുന്നു.
