ക്രിസ്മസ് റിലീസായി എത്തിയ ഷൈന്‍ നിഗത്തിന്റെ പുതിയ ചിത്രം വലിയ പെരുന്നാളിന്റെ ദൈര്‍ഘ്യം ഇറങ്ങിയ സമയം മുതല്‍ ചര്‍ച്ചയായിരുന്നു. മൂന്ന് മണിക്കൂര്‍ എട്ട് മിനിറ്റ് ദൈര്‍ഘ്യത്തിലായിരുന്നു സിനിമ തിയറ്ററുകളിലെത്തിയത്. പ്രേക്ഷക പ്രീതിയും മികച്ച അഭിപ്രായവും നേടിയെങ്കിലും ചിത്രത്തിന്റെ ദൈര്‍ഘ്യം അല്‍പം കൂടുതലാണ് എന്ന് അഭിപ്രായം വന്നിരുന്നു.
ഇതിനെ തുടര്‍ന്നാണ് ചിത്രത്തിന്റെ ദൈര്‍ഘ്യം കുറച്ച പുതിയ വേര്‍ഷനുമായി അണിയറപ്രവര്‍ത്തകര്‍ എത്തിയിരിക്കുന്നത്. പുതിയ വേര്‍ഷനും തിയറ്ററുകളില്‍ മികച്ച അഭിപ്രായം നേടുന്നതില്‍ ചിത്രത്തിലെ നായകനായ ഷെയ്ന്‍ നിഗം ഫേസ്ബുക്ക് പോസ്റ്റിലൂടെ സന്തോഷം അറിയിച്ചു.
DoolNews Video
നവാഗതനായ ഡിമല്‍ ഡെന്നിസ് ആണ് സിനിമ സംവിധാനം ചെയ്തിരിക്കുന്നത്. ഒന്‍പത് ഗാനങ്ങള്‍ ഉള്ള ചിത്രത്തില്‍ ബെന്നി ദയാല്‍, ഷഹബാസ് അമന്‍, സൂരജ് സന്തോഷ്, ഇമാം മജ്ബൂര്‍ എന്നിവര്‍ ഒന്നിക്കുന്നു. റെക്സ് വിജയന്‍ ആണ് സംഗീത സംവിധാനം നിര്‍വഹിച്ചിരിക്കുന്നത്. സുരേഷ് രാജനാണ് സിനിമയുടെ ഛായാഗ്രഹണം.
