പട്ടികജാതി കമ്മീഷന്‍ വൈസ് ചെയര്‍മാന്‍ എല്‍.മുരുകനാണ് തിങ്കളാഴ്ച ഇക്കാര്യം പറഞ്ഞത്.
പോക്‌സോ കോടതി കുറ്റവാളികളെ വെറുതെ വിട്ട സാഹചര്യത്തില്‍ സന്നദ്ധസംഘടനകളുടെയും വിവിധ രാഷ്ട്രീയ പാര്‍ട്ടികളുടെയും നേതൃത്വത്തില്‍ പ്രതിഷേധങ്ങള്‍ ശക്തമായിരുന്നു.
പ്രതികളെ രക്ഷിക്കാന്‍ കേരള പൊലീസ് അന്വേഷണത്തെ വഴിതിരിച്ച് വിടുകയാണെന്നാണ് അവര്‍ ആരോപിക്കുന്നത്.
പട്ടിക ജാതി വികസന വകുപ്പ് പ്രിന്‍സിപ്പല്‍ സെക്രട്ടറി എ.ജയന്തി ലാക്ക്, അഡീഷണല്‍ ഡി.ജി.പി (നിയമം) ഷെയ്ഖ് ദാര്‍വേഷ് സാഹേബ്, മുരുകന്‍ എന്നിവര്‍ കേസിന്റെ വിവരങ്ങള്‍ ശേഖരിച്ചതിന് ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു.
‘പ്രതികള്‍ക്കെതിരെ പൊലീസ് ചുമത്തിയ കേസില്‍ നിരവധി വൈരുദ്ധ്യങ്ങളുണ്ട്. പെണ്‍കുട്ടികളുടെ പോസ്റ്റ്‌മോര്‍ട്ടം നടത്തിയ ഡോക്ടര്‍മാരില്‍ നിന്നും ഞങ്ങള്‍ വിവരങ്ങള്‍ ശേഖരിക്കുകയായിരുന്നു’. മുരുകന്‍ പറഞ്ഞു.
ഇത് സംബന്ധമായ അടുത്ത വാദം കേള്‍ക്കുന്നത് നവംബര്‍ 21 നാണ്. 2017 ജനുവരിയിലാണ് മൂത്ത പെണ്‍കുട്ടിയെ തൂങ്ങി മരിച്ച നിലയില്‍ കണ്ടെത്തിയത്.
ഇളയ പെണ്‍കുട്ടിയെ മാര്‍ച്ചിലും തൂങ്ങി മരിച്ച നിലയില്‍ കാണുകയായിരുന്നു. ഇരുവരുടെയും പോസ്റ്റ്‌മോര്‍ട്ടം റിപ്പോര്‍ട്ടില്‍ ലൈംഗികാക്രമണത്തിനിരയായതായി പറയുന്നുണ്ട്.
നാല് പേരെയാണ് ആത്മഹത്യ പ്രേരണയും ലൈംഗികാക്രമണവും ചൂണ്ടിക്കാട്ടി പൊലീസ് അറസ്റ്റു ചെയ്തിരുന്നത്. തെളിവുകള്‍ ഇല്ലെന്നു ചൂണ്ടിക്കാട്ടി പാലക്കാട് പോക്‌സോ കോടതി പ്രതികളെ വെറുതെ വിടുകയായിരുന്നു.
