ഫാമിലി മാന്‍ 2 നിരോധിക്കണം; പ്രകാശ് ജാവേദ്ക്കറിന് കത്തെഴുതി എം.ഡി.എം.കെ എം.പി വൈകോ
എന്റര്‍ടെയിന്‍മെന്റ് ഡെസ്‌ക്
Sunday, 23rd May 2021, 6:26 pm
ചെന്നൈ: ആമസോണ്‍ പ്രൈമിലൂടെ റിലീസ് ചെയ്യാനൊരുങ്ങുന്ന ഫാമിലി മാന്‍ 2 വെബ് സീരിസ് നിരോധിക്കണമെന്നാവശ്യപ്പെട്ട് കേന്ദ്രത്തിന് കത്തെഴുതി രാജ്യസഭാ എം.പി വൈകോ.
സീരിസില്‍ തമിഴരെ തീവ്രവാദികളായിട്ടാണ് കാണിക്കുന്നതെന്നും സീരിസ് നിരോധിക്കണമെന്നുമാണ് എം.ഡി.എം.കെ എം.പിയായ വൈകോ ആവശ്യപ്പെടുന്നത്.
ഇതുസംബന്ധിച്ച് വാര്‍ത്താ പ്രക്ഷേപണ വകുപ്പ് മന്ത്രി പ്രകാശ് ജാവേദ്ക്കര്‍ക്ക് വൈകോ കത്തെഴുതി. നേരത്തെ സീരിസില്‍ അഭിനയിച്ച സാമന്തയ്ക്ക് എതിരെ വ്യാപക പ്രതിഷേധം ഉയര്‍ന്നിരുന്നു.
സീരിസില്‍ തമിഴ് പുലി പ്രവര്‍ത്തകയായിട്ടാണ് സാമന്തയെത്തുന്നത്. എന്നാല്‍ സംഘടനയെ തീവ്രവാദി സംഘടനയായിട്ടാണ് അവതരിപ്പിക്കുന്നതെന്നും തമിഴരുടെ വികാരം വ്രണപ്പെടുത്തുന്ന കഥാപാത്രത്തെ അവതരിപ്പിച്ചതിന് സാമന്ത മാപ്പ് പറയണമെന്നുമാണ് പ്രതിഷേധക്കാര്‍ പറയുന്നത്.
