കുറച്ചുകൂടെ പെണ്ണുങ്ങളെ ബഹുമാനിക്കുന്നത് തമിഴ്‌നാട്ടുകാര്‍, കലാകാരന്മാര്‍ പൊതുസ്വത്താണെന്ന ധാരണയാണ് മലയാളികള്‍ക്ക്: വൈഗ
എന്റര്‍ടെയിന്‍മെന്റ് ഡെസ്‌ക്
Monday, 20th February 2023, 10:32 am
കേരളത്തേക്കാള്‍ ചെന്നൈയാണ് തനിക്ക് കൂടുതല്‍ ഇഷ്ടമുള്ള സ്ഥലമെന്ന് നടി വൈഗ. തമിഴ് നാട്ടിലുള്ളവര്‍ മലയാളികളേക്കാള്‍ കുറച്ചുകൂടെ സ്ത്രീകളെ ബഹുമാനിക്കുന്നവരാണെന്നും ഇവിടെ നേരെ തിരിച്ചാണെന്നും വൈഗ പറഞ്ഞു.
ഒരു പരിചയവും ഇല്ലാത്ത ഒരാളെ കേറി ‘നീ’ എന്നാണ് വിളിക്കുകയെന്നും ആര്‍ട്ടിസ്റ്റുമാര്‍ പൊതുസ്വത്താണെന്ന മനോഭാവം ഇവിടെ ഉള്ളവര്‍ക്ക് കൂടുതലാണെന്നും വൈഗ പറഞ്ഞു. ഇന്ത്യാഗ്ലിറ്റ്‌സിന് നല്‍കിയ അഭിമുഖത്തിലാണ് താരം ഇക്കാര്യങ്ങള്‍ പറഞ്ഞത്.
”എനിക്ക് തമിഴും മലയാളവും നന്നായിട്ട് അറിയാം. എനിക്ക് കേരളത്തേക്കാള്‍ ചെന്നൈയാണ് കൂടുതല്‍ ഇഷ്ടം. ഇവിടെ ഞാന്‍ എന്ത് പറഞ്ഞാലും അത് ട്രോളായിട്ട് മാറും. കുറച്ചു കൂടെ പെണ്ണുങ്ങളെ റെസ്‌പെക്ട് ചെയ്യുന്നത് തമിഴ്‌നാട്ടുകാരാണ്.
