വാക്‌സിന്‍ നേരിട്ട് വാങ്ങിക്കാന്‍ പറഞ്ഞ് കേന്ദ്രവും, കേന്ദ്രത്തിന് കൊടുക്കാതെ സംസ്ഥാനത്തിന് തരില്ലെന്ന് സെറം ഇന്‍സ്റ്റിറ്റ്യൂട്ടും; കൃത്യതയില്ലാതെ 'വാക്‌സിന്‍ നയം'
ഡൂള്‍ന്യൂസ് ഡെസ്‌ക്
Sunday, 25th April 2021, 3:48 pm
ന്യൂദല്‍ഹി: മെയ് 15 ന് മുന്‍പ് രാജസ്ഥാന് വാക്‌സിന്‍ നല്‍കാന്‍ പറ്റില്ലെന്ന് സെറം ഇന്‍സ്റ്റിറ്റ്യൂട്ട്. ഇക്കാര്യം സീറം തങ്ങളെ അറിയിച്ചതായി രാജസ്ഥാന് ആരോഗ്യ മന്ത്രി അറിയിച്ചു.
കേന്ദ്രസര്‍ക്കാര്‍ ഓര്‍ഡര്‍ ചെയ്ത വാക്‌സിന്‍ നല്‍കാന്‍ 15 വരെ സമയം വേണമെന്നാണ് സെറത്തിന്റെ ആവശ്യം.
സംസ്ഥാനത്തിന് നേരിട്ട് വാക്‌സിന്‍ നല്‍കണമെന്നാവശ്യപ്പെട്ട് സെറത്തിനെ ബന്ധപ്പെട്ടിരുന്നെന്നും എന്നാല്‍ കേന്ദ്രസര്‍ക്കാറിന്റെ ക്വാട്ട നല്‍കിക്കഴിഞ്ഞാല്‍ മാത്രമെ സംസ്ഥാനങ്ങള്‍ക്ക് നല്‍കാന്‍ പറ്റുമെന്നാണ് സെറം അധികൃതര്‍ പറഞ്ഞെന്നും രാജസ്ഥാന് മന്ത്രി പറഞ്ഞു.
