മുരളീധരനും വകുപ്പ് മാറ്റം; മീനാക്ഷി ലേഖി വിദേശകാര്യ സഹമന്ത്രിയാകും
ഡൂള്‍ന്യൂസ് ഡെസ്‌ക്
Wednesday, 7th July 2021, 10:30 pm
ന്യൂദല്‍ഹി: കേന്ദ്രമന്ത്രിസഭാ പുനസംഘടനയില്‍ കേരളത്തില്‍ നിന്നുള്ള മന്ത്രിയായ വി. മുരളീധരനും വകുപ്പ് മാറ്റം. നിലവില്‍ വിദേശകാര്യ സഹമന്ത്രിയായ മുരളീധരന് പകരം മീനാക്ഷി ലേഖിയ്ക്കായിരിക്കും ചുമതലയെന്നാണ് റിപ്പോര്‍ട്ട്.
ടൂറിസം വകുപ്പിലെ സഹമന്ത്രി സ്ഥാനമോ സ്വതന്ത്ര ചുമതലയോ ആയിരിക്കും മുരളീധരന് നല്‍കുകയെന്നാണ് സൂചന. ആഭ്യന്തരമന്ത്രിയായ അമിത് ഷാ സഹകരണ മന്ത്രാലയത്തിന്റെ ചുമതല കൂടി ഏറ്റെടുത്തേക്കും.
പുതുതായി രൂപീകരിച്ച വകുപ്പാണിത്. ആരോഗ്യമന്ത്രിയായി മന്‍സുഖ് മാണ്ഡവ്യയെ തെരഞ്ഞെടുത്തു.
അനുരാഗ് ഠാക്കൂറിന് വാര്‍ത്താവിതരണ മന്ത്രാലയത്തിന്റേയും കായിക മന്ത്രാലയത്തിന്റേയും ചുമതല നല്‍കും. ധര്‍മ്മേന്ദ്ര പ്രധാനായിരിക്കും വിദ്യാഭ്യാസ വകുപ്പിന്റെ ചുമതല.
