ലഖ്‌നൗ: അയോധ്യയില്‍ മുസ്‌ലിം പള്ളി പണിയാന്‍ ഭൂമി കണ്ടെത്തി. എന്നാല്‍ സ്ഥലം സ്വീകരിക്കാന്‍ തീരുമാനിച്ചിട്ടില്ലെന്ന് അഖിലേന്ത്യാ മുസ്‌ലിം വ്യക്തി നിയമ ബോര്‍ഡ് പ്രതികരിച്ചു.
മിര്‍സാപുര്‍, ഷംസുദ്ദീന്‍പുര്‍, ചന്ദാപുര്‍ എന്നിവിടങ്ങളിലെ അഞ്ചു സ്ഥലങ്ങളാണു പള്ളി നിര്‍മിക്കുന്നതിനായി ഉത്തര്‍പ്രദേശ് സര്‍ക്കാര്‍ കണ്ടെത്തിയിരിക്കുന്നത്. അയോധ്യയിലെ പുണ്യസ്ഥലം എന്നു കരുതപ്പെടുന്ന ഇടത്തില്‍ നിന്ന് 15 കിലോമീറ്റര്‍ അകലെയുള്ള സ്ഥലങ്ങളാണു സര്‍ക്കാര്‍ കണ്ടെത്തിയിരിക്കുന്നത്.
എന്നാല്‍ ഇതില്‍ നിന്ന് അനുയോജ്യമായ സ്ഥലം സുന്നി വഖഫ് ബോര്‍ഡിന്റെ നിര്‍ദേശപ്രകാരമായിരിക്കും തെരഞ്ഞെടുക്കുക.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
നവംബര്‍ ഒമ്പതിലെ സുപ്രീം കോടതി ഉത്തരവു പ്രകാരം അഞ്ചേക്കര്‍ ഭൂമി പള്ളി നിര്‍മാണത്തിനായി സുന്നി വഖഫ് ബോര്‍ഡിനു കൈമാറും. മൂന്നുമാസത്തിനുള്ളില്‍ മുസ്‌ലിങ്ങള്‍ക്കു പള്ളിക്കായി അഞ്ചേക്കര്‍ ഭൂമി കണ്ടെത്തി നല്‍കണമെന്നായിരുന്നു വിധി.
