ആംസ്റ്റര്‍ഡാം: നെതര്‍ലാന്‍ഡിലെ യൂട്രെച്ച് നഗരത്തില്‍ ട്രാമിനുള്ളിലുണ്ടായ വെടിവെയ്പില്‍ ഒരാള്‍ കൊല്ലപ്പെട്ടു. നിരവധി പേര്‍ക്ക് പരിക്കേറ്റിട്ടുണ്ട്. പ്രാദേശിക സമയം 10:45ഓടെയാണ് വെടിവെയ്പുണ്ടായത്. ട്രാം സ്റ്റേഷന് പൊലീസ് വളയുകയും ആളുകളോട് റോഡില്‍ നിന്ന് മാറാന്‍ ആവശ്യപ്പെടുകയും ചെയ്തിട്ടുണ്ട്. അക്രമിയെ കീഴ്‌പ്പെടുത്തിയിട്ടില്ലെന്നാണ് സൂചന.

നഗരത്തിലെ Oktoberplein ജംഗ്ഷനിലാണ് വെടിവെയ്പുണ്ടായത്.

ഭീകരാക്രമണമാണോയെന്ന് സംശയിക്കുന്നതായി പൊലീസ് പറഞ്ഞു. ആയുധധാരിയായ അക്രമി തുടരെ വെടിവെയ്ക്കുകയായിരുന്നുവെന്ന് ദൃക്‌സാക്ഷികളെ ഉദ്ധരിച്ച് ഡച്ച് വാര്‍ത്താ മാധ്യമമായ NU.nl. റിപ്പോര്‍ട്ട് ചെയ്തു.