ഒടുവില്‍ രവീന്ദ്ര ജഡേജയുടെ പന്തില്‍ കെ.എല്‍. രാഹുല്‍ ക്യാച്ചെടുത്താണ് ഖവാജയെ പുറത്താക്കിയത്. രാഹുലിന്റെ കരിയറിലെ തന്നെ ഏറ്റവും മികച്ച ക്യാച്ചുകളിലൊന്നായിരുന്നു അത്.
ഖവാജ അടിത്തറയിട്ട ഇന്നിങ്‌സാണ് പിന്നാലെ വന്ന ബാറ്റര്‍മാര്‍ കെട്ടിപ്പൊക്കിയത്. വാര്‍ണറിനൊപ്പം 50 റണ്‍സിന്റെ ആദ്യ വിക്കറ്റ് കൂട്ടുകെട്ടുണ്ടാക്കിയ ഖവാജ അശ്വിന്-ഷമി-ജഡേജ സ്റ്റോമിലും അധികമൊന്നും ആടിയുലയാതെ നിലകൊണ്ടു.
ഖവാജക്ക് പുറമെ പീറ്റര്‍ ഹാന്‍ഡ്‌കോംബാണ് റണ്ണുയര്‍ത്തിയത്. പുറത്താവാതെ 72 റണ്‍സാണ് താരം നേടിയത്. 59 പന്തില്‍ നിന്നും 33 റണ്‍സ് നേടിയ ക്യാപ്റ്റന്‍ പാറ്റ് കമ്മിന്‍സും ഇന്നിങ്‌സിലേക്ക് തന്റെ സംഭാവന നല്‍കി.
