പാകിസ്ഥാന്‍ സൂപ്പര്‍ ലീഗില്‍ ചരിത്ര നേട്ടവുമായി മുള്ട്ടാന് സുല്‍ത്താന്‍ താരം ഉസാമ മിര്‍. ലാഹോര്‍ ഖലന്തേഴ്‌സിനെതിരെയുള്ള മത്സരത്തിലാണ് താരം നേട്ടം സ്വന്തമാക്കിയത്. മത്സരത്തില്‍ ആറ് വിക്കറ്റുകള്‍ നേടി കൊണ്ടായിരുന്നു താരത്തിന്റെ മികച്ച പ്രകടനം.
പാകിസ്ഥാന്‍ സൂപ്പര്‍ ലീഗില്‍ ഒരു മത്സരത്തിൽ ആറു വിക്കറ്റുകള്‍ സ്വന്തമാക്കുന്ന ആദ്യ സ്പിന്നര്‍ എന്ന ചരിത്ര നേട്ടമാണ് ഉസാമ മിര്‍ സ്വന്തമാക്കിയത്. നാല് ഓവറില്‍ 40 റണ്‍സ് വിട്ടു നല്‍കിയാണ് താരം ആറ് വിക്കറ്റുകള്‍ നേടിയത്.
ഇതിന് പിന്നാലെ മറ്റൊരു മോശം റെക്കോഡും താരം സ്വന്തമാക്കി. ടി-20യിൽ ആറ് വിക്കറ്റുകൾ നേടുമ്പോൾ ഏറ്റവും കൂടുതൽ റൺസ് വിട്ടു നൽകിയ താരം എന്ന മോശം റെക്കോഡും മുൾട്ടാൻ താരം സ്വന്തമാക്കി. 40 റൺസാണ് താരം വിട്ടുനൽകിയത്.
SIX FOR THIS MAN! 🔥
TAKE A BOW, @iamusamamir #SultanSupremacy l #HBLPSL9 l #LQvMS pic.twitter.com/8gmvIx9Mnh
— Multan Sultans (@MultanSultans) February 27, 2024
