ലക്ഷദ്വീപ് കടലില്‍ ഇന്ത്യയുടെ അനുവാദമില്ലാതെ അമേരിക്കന്‍ യുദ്ധക്കപ്പല്‍; സ്വതന്ത്ര കപ്പല്‍ വിന്യാസം ഒരു രാജ്യത്തിനു മാത്രം അവകാശപ്പെട്ടതല്ലെന്ന് അമേരിക്ക
യു.എസ്.എസ് ജോണ്‍ പോള്‍ ജോണ്‍സ് എന്ന പേരിലുള്ള കപ്പലാണ് ഇന്ത്യന്‍ പരിധിക്കുള്ളില്‍ കയറിയതെന്ന് അമേരിക്കന്‍ നാവികസേന പ്രസ്താവനയില്‍ അറിയിച്ചു. സ്വതന്ത്ര കപ്പല്‍ വിന്യാസം ഒരു രാജ്യത്തിനു മാത്രം അവകാശപ്പെട്ടതല്ലെന്നും ഇതില്‍ രാഷ്ട്രീയം ഇല്ലെന്നും പ്രസ്താവനയില്‍ പറയുന്നു.
അതേസമയം അമേരിക്കന്‍ നടപടിയോട് ഇന്ത്യ ഇതുവരെ പ്രതികരിച്ചിട്ടില്ല. ഇതിന് മുന്‍പും അമേരിക്കന്‍ നാവികസേന ഇന്ത്യന്‍ അധീനതയിലുള്ള സമുദ്രതീരങ്ങളില്‍ എത്തിയിട്ടുണ്ട്.
