സമാരാ അറീന: ആതിഥേയരായ റഷ്യയെ മൂന്ന് ഗോളിന് തകര്‍ത്ത് ഉറുഗ്വായ് ഗ്രൂപ്പ് ചാമ്പ്യന്‍മാരായി പ്രീക്വാര്‍ട്ടറിലേക്ക്. മൂന്ന് കളിയും ജയിച്ച ഉറുഗ്വായ്ക്ക് 9 പോയന്റാണുള്ളത്. രണ്ട് കളിയില്‍ ജയിച്ച റഷ്യ രണ്ടാമാതായി പ്രീക്വാര്‍ട്ടറിലെത്തി.
ലൂയിസ് സുവാരസും എഡിന്‍സണ്‍ കവാനിയും ഗോള്‍ നേടിയപ്പോള്‍ ശേഷിച്ച ഗോള്‍ റഷ്യയുടെ ചെറിഷേവിന്റെ വകയായിരുന്നു.
ALSO READ: തൊണ്ണൂറ്റിയഞ്ചാം മിനുട്ടില്‍ ഗോള്‍.. ഈജിപ്തിനെതിരെ സൗദിയ്ക്ക് ത്രസിപ്പിക്കുന്ന ജയം
പത്താം മിനിറ്റില്‍ ഒരു ഫ്രീകിക്കില്‍ നിന്നായിരുന്നു ലൂയിസ് സുവാരസിന്റെ ഗോള്‍. ബോക്‌സിന് പുറത്ത് മധ്യഭാഗത്ത് നിന്ന് സുവാരസ് തൊടുത്ത ഫ്രീകിക്ക് പ്രതിരോധഭടന്‍മാരെയും ഗോളിയേയും നിഷ്പ്രഭരാക്കി വലയില്‍ പതിക്കുകയായിരുന്നു.
ഡീഗോ നീട്ടിയടിച്ച പന്ത് ചെറിഷേവിന്റെ കാലില്‍ തട്ടി വലയിലായാണ് ഉറുഗ്വായ്ക്ക് രണ്ടാം ഗോള്‍ പിറന്നത്. കളി അവസാനിക്കാന്‍ മിനിറ്റുകള്‍ മാത്രം ശേഷിക്കെ കവാനി ഉറുഗ്വായുടെ മൂന്നാംഗോളും നേടി.
സ്‌പെയിന്‍, പോര്‍ച്ചുഗല്‍, ഇറാന്‍ എന്നിവരില്‍ ആരെങ്കിലുമാവും പ്രീക്വാര്‍ട്ടറില്‍ ഉറുഗ്വായുടെയും റഷ്യയുടെയും എതിരാളികള്‍.
ഡൂള്‍ന്യൂസ് വാട്‌സാപ്പില്‍ ലഭിക്കാന്‍ 9072605555 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്‌സാപ്പ് മെസേജ് അയക്കൂ.