കൊച്ചി: എറണാകുളത്തെ കുണ്ടന്നൂരിലെ ഒരു പാലവുമായി ബന്ധപ്പെട്ട് തങ്ങള്‍ക്കെതിരെ വ്യാജ വീഡിയോ നല്‍കിയ ഓണ്‍ലൈന്‍ പേജിനെതിരെ ഊരാളുങ്കല്‍ ലേബര്‍ കോണ്‍ട്രാക്ട് കോഓപ്പറേറ്റീവ് സൊസൈറ്റി. ‘പച്ചക്ക് പറയുന്നു’ എന്ന ഓണ്‍ലൈന്‍ പേജില്‍ വന്ന വീഡിയോയില്‍ പറയുന്ന പാലം ഊരാളുങ്കല്‍ സൊസൈറ്റി നിര്‍മിച്ചതല്ലെന്ന് മാനേജിങ് ഡയറക്റ്റര്‍ പ്രസ്താവനിയില്‍ പറഞ്ഞു.
ഉരാളുങ്കല്‍ അല്ല പാലം നിര്‍മിച്ചതെന്ന് റോഡ്‌സ് ആന്‍ഡ് ബ്രിഡ്ജസ് ഡെവലപ്‌മെന്റ് കോര്‍പ്പറേഷന്‍ അധികൃതര്‍ വ്യക്തമാക്കിയിട്ടും മറ്റെന്തോ താത്പര്യത്തില്‍ ഒരാള്‍
വ്യാജ വാര്‍ത്ത പ്രചരിപ്പിക്കുകയായിരുന്നെന്നും പ്രസ്താവനയില്‍ പറഞ്ഞു.
‘എറണാകുളത്തെ കുണ്ടന്നൂരില്‍ ഒരു പാലം താഴുന്നു എന്നും അത് നിര്‍മിച്ചത് ഊരാളുങ്കല്‍ സൊസൈറ്റി ആണെന്നും പറഞ്ഞ് പച്ചക്ക് പറയുന്നു എന്ന ഓണ്‍ലൈന്‍ ചാനലില്‍ ഒരാള്‍ വ്യാജവീഡിയോ ഇട്ടിരിക്കുന്നു. ആ വീഡിയോവില്‍ പറയുന്ന പാലം നിര്‍മിച്ചത് ഊരാളുങ്കല്‍ സൊസൈറ്റി അല്ല. അക്കാര്യം റോഡ്‌സ് ആന്‍ഡ് ബ്രിഡ്ജസ് ഡെവലപ്‌മെന്റ് കോര്‍പ്പറേഷന്‍ അധികൃതര്‍ വ്യക്തമാക്കിയിട്ടും മറ്റെന്തോ താത്പര്യത്തില്‍ ഇയാള്‍ വ്യാജ വാര്‍ത്ത പ്രചരിപ്പിക്കുന്നതാണ് എന്നാണ് മനസിലാക്കുന്നത്.
