'ബി.ജെ.പി ഒരു വര്‍ഗീയ പാര്‍ട്ടിയാണ്,അവര്‍ കുഴപ്പക്കാരാണ്'; ബംഗാളിലെ അക്രമം നാണംകെട്ട തോല്‍വിയില്‍ ബി.ജെ.പി നടത്തിയതെന്ന് മമത
ഡൂള്‍ന്യൂസ് ഡെസ്‌ക്
Wednesday, 5th May 2021, 8:53 am
കൊല്‍ക്കത്ത: തെരഞ്ഞെടുപ്പ് ഫലത്തിന് പിന്നാലെ ബംഗാളില്‍ നടന്ന ആക്രമണം ബി.ജെ.പി നടത്തിയതെന്ന് മമതാ ബാനര്‍ജി.
താന്‍ ഒരുതരത്തിലുള്ള ആക്രമണങ്ങളും പ്രോത്സാഹിപ്പിക്കുന്നില്ലെന്നും മമത കൂട്ടിച്ചേര്‍ത്തു. ബി.ജെ.പി ഒരു വര്‍ഗീയ പാര്‍ട്ടിയാണെന്നും മമത ആരോപിച്ചു.
” ബി.ജെ.പി ഒരു വര്‍ഗീയ പാര്‍ട്ടിയാണ്, അവര്‍ കുഴപ്പക്കാരാണ്. അവര്‍ വ്യാജ വീഡിയോകള്‍ നിര്‍മ്മിക്കുകയാണ്, അവര്‍ അധികാരം ദുരുപയോഗം ചെയ്യുകയാണ്. ഫെഡറലിസം ഇല്ലാതാക്കുക എന്നതാണ് അവരുടെ ലക്ഷ്യം,” മമത ആരോപിച്ചു.
ആളുകള്‍ ബി.ജെ.പിക്കെതിരെ ഒരുമിച്ച് നിന്ന് പൊരുതണമെന്നും മമത പറഞ്ഞു.
