പ്രവചിച്ച നമ്പറിലുള്ള ലോട്ടറി ടിക്കറ്റെടുത്തിട്ടും സമ്മാനം കിട്ടിയില്ല; 'ആള്‍ദൈവ'ത്തെ തല്ലിക്കൊന്നു
ഡൂള്‍ന്യൂസ് ഡെസ്‌ക്
Thursday, 16th December 2021, 8:59 am
ലഖ്‌നൗ: ‘ആള്‍ദൈവം’ പറഞ്ഞ നമ്പറിലുള്ള ലോട്ടറി ടിക്കറ്റെടുത്തിട്ടും സമ്മാനം കിട്ടാത്തതിനെ തുടര്‍ന്ന് യുവാവ് ആള്‍ദൈവത്തെ തല്ലിക്കൊന്നു.
ഉത്തര്‍പ്രദേശിലെ ബിജ്‌നോറിലാണ് സംഭവം. 56 വയസുള്ള രാംദാസ് ഗിരി എന്ന സ്വയം പ്രഖ്യാപിത ആള്‍ദൈവത്തെയാണ് മരിച്ചനിലയില്‍ കണ്ടെത്തിയത്. പിന്നാലെ നടത്തിയ അന്വേഷണത്തിലാണ് കൊലപാതകമാണെന്ന് തെളിഞ്ഞത്.
സംഭവവുമായി ബന്ധപ്പെട്ട് മുഹമ്മദ് ജിഷാന്‍ എന്ന യുവാവിനെ കൊലക്കുറ്റം ചുമത്തി പൊലീസ് അറസ്റ്റുചെയ്തു. ഗിരിയുടെ തെറ്റായ പ്രവചനംമൂലം തനിക്ക് അഞ്ചു ലക്ഷം രൂപ നഷ്ടപ്പെട്ടതായി ജിഷാന്‍ പറഞ്ഞു.
