യുവാവിനെ മാര്‍ദ്ദിച്ചതിനു ശേഷം ചുട്ടുകൊല്ലുകയായിരുന്നുവെന്ന് അലോക് പ്രിയദര്‍ശി പറഞ്ഞു. പ്രണയിക്കുന്ന പെണ്‍കുട്ടിയെ കാണാന്‍ പോയി മടങ്ങി വരുമ്പോഴാണ് സംഭവം.
അസുഖബാധിതയായ മാതാവ് റാം ബേട്ടിയുടെ ചികില്‍സയ്ക്കായി പണം സംഘടിപ്പിച്ച് വീട്ടിലേക്ക് മടങ്ങവേയാണ് യുവാവിനെ കൊലപ്പെടുത്തുന്നതെന്ന് അമ്മാവന്‍ രാജു പറഞ്ഞു.
വഴിമധ്യേ ഏതാനും പേര്‍ അഭിഷേകിനെ തടഞ്ഞുനിര്‍ത്തി പണം തട്ടിപ്പറിച്ച ശേഷം ക്രൂരമായി മര്‍ദ്ദിച്ച് കത്തിക്കുകയായിരുന്നെന്ന് അമ്മാവന്‍ പറഞ്ഞു. കൊല്ലപ്പെട്ടത് പെണ്‍കുട്ടിയുമായി കണ്ട സ്ഥലത്തിന് അടുത്തു വെച്ചാണെന്നും അമ്മാവന്‍ പറഞ്ഞു.
യുവാവിന്റെ കരച്ചില്‍ കേട്ട് ഓടിയെത്തിയ അയല്‍വാസികള്‍ ഉടന്‍ ആശുപത്രിയില്‍ എത്തിച്ചു. പിറ്റേന്ന് ലഖ്നൗവിലെ ആശുപത്രിയിലേക്ക് മാറ്റവെ വഴിമധ്യേ മരണപ്പെടുകയായിരുന്നു.
മകന്റെ മരണവാര്‍ത്ത അറിഞ്ഞ ശേഷമാണ് മാതാവ് മരണപ്പെട്ടതെന്നും അമ്മാവന്‍ ആരോപിച്ചു. സംഭവത്തില്‍ പെണ്‍കുട്ടിയുടെ രണ്ട് ബന്ധുക്കളും രണ്ട് അയല്‍വാസികളും ഉള്‍പ്പെടെ അഞ്ചുപേര്‍ക്കെതിരെ പൊലിസ് കേസെടുത്തു.
