അനാമികയോട് യോഗി സര്‍ക്കാര്‍ മാപ്പ് പറയുക തന്നെ വേണമെന്ന് പ്രിയങ്ക ഗാന്ധി; സര്‍ക്കാരിനെ വീണ്ടും പ്രതിരോധത്തിലാക്കി കോണ്‍ഗ്രസ് ജനറല്‍ സെക്രട്ടറി
ഡൂള്‍ന്യൂസ് ഡെസ്‌ക്
Wednesday, 10th June 2020, 5:46 pm
ന്യൂദല്‍ഹി: അനാമിക ശുക്ലയെന്ന ഉദ്യോഗാര്‍ത്ഥിയോട് ഉത്തര്‍പ്രദേശ് സംസ്ഥാന സര്‍ക്കാര്‍ മാപ്പ് പറയണമെന്ന് എ.ഐ.സി.സി ജനറല്‍ സെക്രട്ടറി പ്രിയങ്ക ഗാന്ധി. അനാമിക ശുക്ല എന്ന വ്യാജപേരില്‍ ഒരു അധ്യാപിക 25 സ്‌കൂളുകളില്‍ പഠിപ്പിച്ചെന്ന വ്യാജരേഖയുണ്ടാക്കി ഒരു കോടി രൂപയോളം സമ്പാദിച്ചിരുന്നു.
യഥാര്‍ത്ഥ അനാമിക ശുക്ല തൊഴില്‍ രഹിതയാണ്. ചൊവ്വാഴ്ച അന്വേഷണ ഉദ്യോഗസ്ഥരെ കണ്ട ഇവര്‍ നിരവധി സ്ഥലങ്ങളില്‍ അപേക്ഷിച്ചിരുന്നുവെങ്കിലും തൊഴില്‍ ലഭിച്ചിരുന്നില്ലെന്ന് പറഞ്ഞു. ഇതിനെ തുടര്‍ന്നാണ് പ്രിയങ്ക ഗാന്ധിയുടെ പ്രതികരണം.
