സയ്യിദ് മുഷ്താഖ് അലി ട്രോഫിക്കുള്ള സ്‌ക്വാഡ് പ്രഖ്യാപിച്ച് ഉത്തര്‍പ്രദേശ്. സൂപ്പര്‍ താരം ഭുവനേശ്വര്‍ കുമാറിനെ നായകനാക്കി 19 അംഗ സ്‌ക്വാഡാണ് ഉത്തര്‍പ്രദേശ് പ്രഖ്യാപിച്ചിരിക്കുന്നത്. ഭുവിയുടെ ഡെപ്യൂട്ടിയായി മാധവ് കൗശിക്കിനെയും യു.പി ചുമതലപ്പെടുത്തിയിട്ടുണ്ട്.
പിയൂഷ് ചൗള, റിങ്കു സിങ്, സമീര്‍ റിസ്വി, നിതീഷ് റാണ, ശിവം മാവി, യാഷ് ദയാല്‍ എന്നിവരെ ഉള്‍പ്പെടുത്തി ശക്തമായ സ്‌ക്വാഡിനെയാണ് യു.പി പ്രഖ്യാപിച്ചിരിക്കുന്നത്.
ഗ്രൂപ്പ് സി-യില്‍ ദല്‍ഹി, ജാര്‍ഖണ്ഡ് തുടങ്ങിയ ടീമുകള്‍ക്കൊപ്പമാണ് ഉത്തര്‍പ്രദേശ് സ്ഥാനം പിടിച്ചിരിക്കുന്നത്. ഗ്രൂപ്പ് സ്റ്റാന്‍ഡിങ്‌സില്‍ ഒന്നാമതെത്തി മുമ്പോട്ട് കുതിക്കാനുള്ള എല്ലാ പൊട്ടെന്‍ഷ്യലും ടീമിനുണ്ട്.
ഭുവിയുടെ അനുഭവസമ്പത്ത് തന്നെയാണ് ടീമിന്റെ ശക്തി ഇരട്ടയാക്കുന്നത്. മൂര്‍ച്ച കുറയാത്ത തന്റെ ബൗളിങ് മികവിനൊപ്പം മറ്റ് താരങ്ങളും പ്രതീക്ഷക്കൊത്ത് ഉയര്‍ന്നാല്‍ കിരീടവും ടീമിന് സ്വപ്‌നം കാണാന്‍ സാധിക്കും.
നവംബര്‍ 23ന് നടക്കുന്ന തങ്ങളുടെ ആദ്യ മത്സരത്തില്‍ കരുത്തരായ ദല്‍ഹിയെയാണ് ഉത്തര്‍പ്രദേശിന് നേരിടാനുള്ളത്. വാംഖഡെ സ്റ്റേഡിയമാണ് വേദി.
ഉത്തര്‍പ്രദേശ് സ്‌ക്വാഡ്
ഭുവനേശ്വര്‍ കുമാര്‍ (ക്യാപ്റ്റന്‍), മാധവ് കൗശിക് (വൈസ് ക്യാപ്റ്റന്‍), കരണ്‍ ശര്‍മ, റിങ്കു സിങ്, നിതീഷ് റാണ, സമീര്‍ റിസ്വി, സ്വസ്തിക ചികാര, പ്രിയം ഗാര്‍ഗ്, ആര്യന്‍ ജുയാല്‍, ആദിത്യ ശര്‍മ, പിയൂഷ് ചൗള, വിപ്രജ് നിഗം, കാര്‍ത്തികേയ ജെയ്‌സ്വാള്‍, ശിവം ശര്‍മ, യാഷ് ദയാല്‍, മൊഹ്‌സിന്‍ ഖാന്‍, ആഖിബ് ഖാന്‍, ശിവം മാവി, വിനീത് പന്‍വര്‍.
ബി.സി.സി.ഐ നേതൃത്വത്തില്‍ നടക്കുന്ന ഡൊമസ്റ്റിക് ടി-20 ക്രിക്കറ്റ് ടൂര്‍ണമെന്റാണ് സയ്യിദ് മുഷ്താഖ് അലി ട്രോഫി (SMAT). മുന്‍ താരം സയ്യിദ് മുഷ്താഖ് അലിയുടെ സ്മരണാര്‍ത്ഥമാണ് ടൂര്‍ണമെന്റ് സംഘടിപ്പിക്കുന്നത്. രഞ്ജി കളിക്കുന്ന ടീമുകളാണ് ഈ ടൂര്‍ണമെന്റിന്റെയും ഭാഗമാകുന്നത്.
2006-07ലാണ് ടൂര്‍ണമെന്റ് ആരംഭിച്ചത്. ഉദ്ഘാടന സീസണില്‍ ദിനേഷ് കാര്‍ത്തിക്കിന്റെ നേതൃത്വത്തിലിറങ്ങിയ തമിഴ്‌നാടായിരുന്നു ആദ്യ കിരീടം സ്വന്തമാക്കിയത്.
ഫോര്‍മാറ്റ്: ടി-20
ആദ്യ എഡിഷന്‍: 2006-07
അവസാന എഡിഷന്‍: 2023-24
പുതിയ എഡിഷന്‍: 2024-25
ടൂര്‍ണമെന്റ് ഫോര്‍മാറ്റ്: റൗണ്ട് റോബിന്‍ ആന്‍ഡ് നോക്കൗട്ട്
ആകെ ടീമുകള്‍: 38
നിലവിലെ ചാമ്പ്യന്‍മാര്‍: പഞ്ചാബ് (ആദ്യ കിരീടം)
ഏറ്റവുമധികം കിരീടം നേടിയ ടീം: തമിഴ്‌നാട് (മൂന്ന് തവണ)
ഏറ്റവുമധികം റണ്‍സ്: ഹര്‍പ്രീത് സിങ് ഭാട്ടിയ (2215 റണ്‍സ്)
ഏറ്റവുമധികം വിക്കറ്റ്: സിദ്ധാര്‍ത്ഥ് കൗള്‍ (120 വിക്കറ്റുകള്‍)
ഗ്രൂപ്പ് എ
ഗ്രൂപ്പ് ബി
ഗ്രൂപ്പ് സി
ഗ്രൂപ്പ് ഡി
ഗ്രൂപ്പ് ഇ
Content Highlight: UP announced squad for Syed Mushtaq Ali Trophy, Bhuvaneshwar Kumar will lead