മസ്കറ്റ്: ഒമാനിലെ കടൽ തീരത്ത് ഒരാഴ്ചയായി അഞ്ജാത കപ്പൽ കുടുങ്ങിക്കിടക്കുന്നു. സൗത്ത് ഷാർഖിയ ഗവർണറേറ്റിലെ ജലൻ ബാനി ബു അലി നഗര തീരത്താണ് കപ്പൽ കണ്ടെത്തിയത്.
ഇവിടെ നിന്നുമുള്ള മൊഹമ്മദ് അൽ ഗൻബൂസി എന്നയാൾ ടൈംസ് ഓഫ് ഒമാന് നൽകിയ വിവര പ്രകാരം ഒരാഴ്ചയായി ഈ കപ്പൽ തീരത്തുണ്ട്. ഒരു ഇറാനിയൻ പതാക കപ്പലിനു മേലുണ്ട്. എന്നാൽ ഇത് ആരുടെ കപ്പലാണെന്ന് ഇതുവരെ ഒരു വിവരവും ലഭിച്ചിട്ടില്ല. ഇദ്ദേഹം എടുത്ത് ചിത്രങ്ങളും ടൈംസ് ഓഫ് ഒമാൻ പങ്കു വെച്ചിട്ടുണ്ട്. കപ്പലിനെ കുറിച്ചുള്ള കൂടുതൽ വിവരങ്ങൾ ഇതുവരെ ലഭിച്ചിട്ടില്ല.