ആയുധധാരിയെ കെട്ടിടത്തിന് സമീപം കണ്ടെത്തി; ഐക്യരാഷ്ട്രസഭാ ആസ്ഥാനം പൊലീസ് വളഞ്ഞു
ഡൂള്‍ന്യൂസ് ഡെസ്‌ക്
Thursday, 2nd December 2021, 11:43 pm
ന്യൂയോര്‍ക്ക്: ആയുധധാരിയായ ആളെ കെട്ടിടത്തിന് സമീപം കണ്ടെത്തിയതിനെത്തുടര്‍ന്ന് ഐക്യരാഷ്ട്രസഭാ ആസ്ഥാനം പൊലീസ് വളഞ്ഞു. തോക്കേന്തിയെന്ന് സംശയിക്കുന്നയാളെ വ്യാഴാഴ്ച സഭാ ആസ്ഥാനമന്ദിരത്തിന് പുറത്ത് കണ്ടതോടെ കെട്ടിടം പൊലീസ് വളയുകയായിരുന്നു.
തോക്കെന്ന് തോന്നിക്കുന്ന വസ്തു കൈയിലേന്തിയ വ്യക്തി കെട്ടിടത്തിന് സമീപം നില്‍ക്കുന്നതും ആയുധധാരികളായ പൊലീസ് സംഘം കെട്ടിടം വളയുന്നതുമായുള്ള ചിത്രങ്ങള്‍ പുറത്തുവന്നിട്ടുണ്ട്.
കെട്ടിടത്തിന്റെ പ്രവേസന കവാടങ്ങളിലൊന്നിന് മുമ്പില്‍ നിന്ന് സ്വയം വെടിവെച്ച് മരിക്കും എന്ന് അയാള്‍ ഭീഷണിപ്പെടുത്തിയെന്ന് ഒരു ഉദ്യോഗസ്ഥന്‍ പറഞ്ഞതായാണ് റിപ്പോര്‍ട്ട്.
