യു.എന്‍ മനുഷ്യാവകാശ കൗണ്‍സിലിന്റെ കമ്മീഷണറായ മിഷേല്‍ ബാച്ച്ലെറ്റാണ് ഇക്കാര്യം അറിയിച്ചത്. കൗണ്‍സിലിന്റെ യോഗത്തില്‍ ആണ് പരാമര്‍ശം. കശ്മീരിന്റെ ഇപ്പോഴത്തെ അവസ്ഥയില്‍ ആശങ്കയുണ്ടെന്നും കശ്മീരിലെ ജനങ്ങളുടെ അവകാശങ്ങള്‍ സംരക്ഷിക്കുന്നതില്‍ ഇന്ത്യയും പാകിസ്താനും ശ്രദ്ധിക്കണമെന്നും പറഞ്ഞ ബാച്ലെറ്റ് കശ്മീരില്‍ ഏര്‍പ്പെടുത്തിയ എല്ലാ വിലക്കുകളും എടുത്തുകളയണമെന്ന് ഇന്ത്യയോട് പ്രത്യേകമായി നിര്‍ദ്ദേശിച്ചു. ഒപ്പം കശ്മീരിന്റെ വിഷയത്തില്‍ ഒരു തീരുമാനം ഇന്ത്യ എടുക്കുമ്പോള്‍ അതില്‍ കശ്മീരികളുടെ അഭിപ്രായത്തിനും സ്ഥാനമുണ്ടാകേണ്ടതാണ് എന്നും പറഞ്ഞു.