ന്യൂദൽഹി: ‘ജസ്റ്റ്‌ ലുക്കിങ് ലൈക് എ വൗ’ എന്ന വൈറൽ ടാഗ് ലൈൻ ഉപയോഗിച്ച് കേരളത്തിലെ വന്ദേ ഭാരത് എക്സ്പ്രസിന്റെ വീഡിയോ എക്‌സിൽ പോസ്റ്റ്‌ ചെയ്ത കേന്ദ്ര റെയിൽവേ മന്ത്രി അശ്വിനി വൈഷ്ണവിന് യാത്രാക്ലേശം അനുഭവിക്കുന്നവരുടെ മറുപടി.
ജനറൽ കംപാർട്മെന്റുകളിൽ തിങ്ങിഞെരുങ്ങി യാത്ര ചെയ്യേണ്ടി വരുന്ന ഫോട്ടോയും വീഡിയോകളും കമെന്റ് ചെയ്തായിരുന്നു ആളുകളുടെ പ്രതിഷേധം.
കോഴിക്കോട് വെള്ളയിൽ റെയിൽവേ സ്റ്റേഷന് സമീപത്ത് നിന്നെടുത്ത വീഡിയോ ദൃശ്യമാണ് കേന്ദ്രമന്ത്രി പങ്കുവെച്ചത്. എക്സ്പ്രസ് ട്രെയിനുകളിൽ ശുചിമുറിക്കും വാതിലിനുമിടയിൽ ആളുകൾ ഞെരുങ്ങി നിൽക്കുന്ന വീഡിയോ ഉൾപ്പെടെയാണ് മന്ത്രിയുടെ ‘അഭിമാന’ പോസ്റ്റിന് താഴെ കമെന്റ് ചെയ്തിരിക്കുന്നത്.
On popular demand, here is the video.
Just looking like a wow👌 pic.twitter.com/YNxWNjVlI5— Ashwini Vaishnaw (@AshwiniVaishnaw) November 10, 2023
അതേസമയം ദീപാവലി ആഘോഷത്തിന്റെ ഭാഗമായി പതിനായിരക്കണക്കിന് ആളുകൾ യാത്ര ചെയ്യുന്ന ഉത്തരേന്ത്യയിൽ റെയിൽവേ ആവശ്യമായ സൗകര്യങ്ങൾ ഉറപ്പാക്കാത്തതിന് സമൂഹ മാധ്യമങ്ങളിൽ പ്രതിഷേധം ഉയരുന്നുണ്ട്.
