ബി.ജെ.പി ഓഫീസിനുള്ളില്‍ യുവാവിനെ തല്ലിച്ചതച്ച് കേന്ദ്രമന്ത്രി; വീഡിയോ വ്യാപകമായി പ്രചരിച്ചതിന് പിന്നാലെ പ്രതിഷേധം
ഡൂള്‍ന്യൂസ് ഡെസ്‌ക്
Tuesday, 30th March 2021, 8:25 am
കൊല്‍ക്കത്ത: പശ്ചിമ ബംഗാള്‍ നിയമസഭാ തെരഞ്ഞെടുപ്പില്‍ മത്സരിക്കുന്ന കേന്ദ്രമന്ത്രി ബാബുല്‍ സുപ്രിയോയ്‌ക്കെതിരെ പ്രതിഷേധം കനക്കുന്നു.
കൊല്‍ക്കത്തയിലെ ബി.ജെ.പി ഓഫീസിനകത്തുവെച്ച് യുവാവിനെ മര്‍ദ്ദിക്കുന്ന
ദൃശ്യങ്ങള്‍ വ്യാപകമായി പ്രചരിച്ചതിന് പിന്നാലെയാണ് ബാബുലിനെതിരെ വിമര്‍ശനം ഉയര്‍ന്നുവന്നത്.
ടിവി ക്യാമറകള്‍ക്ക് മുന്നില്‍ പോസ് ചെയ്യുന്നതിനും ബൈറ്റുകള്‍ നല്‍കുന്നതിനും പകരം പ്രചാരണം ആരംഭിക്കാന്‍ ആവര്‍ത്തിച്ച് ആവശ്യപ്പെട്ട യുവാവിനെ അടിയ്ക്കുന്നതായാണ് വീഡിയോയില്‍ കാണുന്നതെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
