ജയിച്ചാല്‍ ബി.ജെ.പിയില്‍ ചേരുകയോ അവരുടെ സര്‍ക്കാരിനെ പിന്തുണയ്ക്കുകയോ ചെയ്യില്ല; പ്രകടന പത്രികയില്‍ ഉറപ്പ് നല്‍കി എ.എ.പി നേതാവ്
ഡൂള്‍ന്യൂസ് ഡെസ്‌ക്
Tuesday, 7th May 2019, 7:59 pm
പനാജി: ഗോവയില്‍ തെരഞ്ഞെടുപ്പ് പ്രകടനപത്രികയില്‍ ബി.ജെ.പിയ്‌ക്കെതിരായ നിലപാട് പ്രഖ്യാപിച്ച് ആം ആദ്മി പാര്‍ട്ടി സ്ഥാനാര്‍ത്ഥി വാല്‍മീകി നായിക്. മനോഹര്‍ പരീക്കറിന്റെ നിര്യാണത്തെ തുടര്‍ന്ന് ഒഴിവ് വന്ന പനാജി നിയമസഭാ മണ്ഡലത്തില്‍ നടക്കുന്ന ഉപ തെരഞ്ഞെടുപ്പിലാണ് വാല്‍മീകി നായിക് മത്സരിക്കുന്നത്.
ബി.ജെ.പിയില്‍ ചേരില്ലെന്നും അവരുണ്ടാക്കുന്ന സര്‍ക്കാരിനെ പിന്തുണയ്ക്കില്ലെന്നും ജനങ്ങള്‍ക്ക് നല്‍കുന്ന സത്യവാങ്മൂലമാണെന്നും ഇതിന് നിയമ സാധുതയുണ്ടെന്നും വാല്‍മീകി നായിക് പറഞ്ഞു.
ഇത്തരമൊരു ഉറപ്പ് ജനങ്ങള്‍ക്ക് നല്‍കാന്‍ തന്റെ എതിര്‍സ്ഥാനാര്‍ത്ഥികളായ കോണ്‍ഗ്രസിന്റെ അന്റണ്‍ഷിയോ മൊസെറാറ്റെ, ഗോവ സുരക്ഷാ മഞ്ചിന്റെ സുഭാഷ് വെല്ലിങ്കര്‍ എന്നിവരെയും എ.എ.പി നേതാവ് വെല്ലുവിളിച്ചിരിക്കുകയാണ്.
