ന്യൂയോര്‍ക്ക്: റഷ്യ- ഉക്രൈന്‍ സംഘര്‍ഷം അവസാനിപ്പിക്കാന്‍ റഷ്യയുമായി ചര്‍ച്ചകളിലൂടെ ഒത്തുതീര്‍പ്പിന് ശ്രമിക്കണമെന്ന് അമേരിക്കയിലെ ഇടതുപക്ഷ ജനപ്രതിനിധികള്‍ പ്രസിഡന്റ് ജോ ബൈഡനോട് അഭ്യര്‍ത്ഥിച്ചു.
ഇരുപക്ഷത്തിനും സ്വീകാര്യമായ സുരക്ഷാ ക്രമീകരണങ്ങളോടെ പ്രശ്‌നം അവസാനിപ്പിക്കണമെന്നാണ് ജനപ്രതിനിധികളുടെ ആവശ്യം. കത്തിലൂടെയാണ് ജനപ്രതിനിധികള്‍ വൈറ്റ് ഹൗസിനോട് ഇക്കാര്യം ആവശ്യപ്പെട്ടത്.
ബൈഡന്റെ ഡെമോക്രാറ്റിക് പാര്‍ട്ടിയിലെ ഇടതുപക്ഷ ചായ്‌വുള്ള 30 ഹൗസ് മെമ്പേഴ്‌സാണ് വിഷയത്തില്‍ കത്തെഴുതിയത്. ‘ഉക്രൈനിലെ ജനങ്ങള്‍ക്ക് സ്വീകാര്യമായ’ ഒരു പരിഹാരം കണ്ടെത്തുന്നതിന് റഷ്യയുമായി നേരിട്ട് സമവായത്തിലെത്താല്‍ ജനപ്രതിനിധികള്‍ ആവശ്യപ്പെട്ടു.
തങ്ങള്‍ റഷ്യയുടെ ‘നിയമവിരുദ്ധമായ ഉക്രൈന്‍ അധിനിവേശത്തെ’ എതിര്‍ക്കുമ്പോഴും റഷ്യയുമായി ചേര്‍ന്നുള്ള ഒത്തുതീര്‍പ്പിന് വൈറ്റ് ഹൗസ് തയ്യാറാകണമെന്നാണ് ജനപ്രതിനിധികളുടെ ആവശ്യം.
വിഷയത്തില്‍ ഏതെങ്കിലും തരത്തിലുള്ള ഉപരോധം എന്നതിനപ്പുറം ശത്രുത അവസാനിപ്പിക്കുന്നതിനുള്ള പ്രോത്സാഹനങ്ങളുണ്ടാകണമെന്നും ഇവര്‍ പറയുന്നു.
30 Democrats signed an open letter to Biden, asking him to use diplomacy with Putin. I understand the intention, I don’t understand the execution. These 30 people should to get into a room with Putin and come up with a solution that would protect #Ukraine‘s sovereignty. Can they? pic.twitter.com/rc3HZwd0pS
— Anastasiia Lapatina (@lapatina_) October 24, 2022
